Артық салмақ пен семіздік

Артық салмақ пен семіздік – ағзада май тіндерінің шамадан тыс жиналуынан пайда болып, денсаулыққа елеулі зиян келтіреді. Негізгі себебі – энергия теңгерімінің бұзылуы, яғни тағамнан алынатын калория мөлшерінің ағзаның қажеттілігінен артық болуы. Бұл мәселе барлық жастағы адамдар арасында кең таралған және жүрек-қантамыр жүйесіне кері әсер етеді.

         Балалар мен жасөспірімдердегі семіздік, әсіресе 6–11 және 12–17 жас аралығында жиі кездеседі. ДДСҰ деректері бойынша, оған майы мен көмірсуы көп тағамдарды шамадан тыс тұтыну және қозғалыс белсенділігінің аздығы себеп болады. Семіздік инсулин деңгейінің жоғарылауымен байланысты және тәттілер, ұн өнімдері, фаст-фуд семіздік қаупін арттырады.

         Балалардағы семіздік қант диабеті, жоғары қан қысымы, тірек-қимыл жүйесі аурулары және психоэмоционалдық қиындықтарға әкелуі мүмкін. Семіздікті анықтауда дене салмағының индексі қолданылады. Алдын алу үшін дұрыс тамақтану, белсенді өмір салты және ата-аналардың үлгісі маңызды.