Қарағанды облысының санитариялық-эпидемиологиялық бақылау департаментінің ұжымы санитариялық қызметке еңбегі сіңген құрметті маман - Қалтай Серікбайқызы Балмаханованы зейнеткерлік демалысқа шығуымен құттықтайды
Қалтай Серікбайқызы Балмаханова халықтың денсаулығы мен саламаттылығын қамтамасыз ету мақсатында аурулардың алдын алу арқылы адамдарға өз пайдасын тигізуді армандап, жас кезінен осы мамандықты таңдаған еді.
1980 жылы мектепті бітіргеннен кейін Қарағанды мемлекеттік медицина институтының «санитария, гигиена және эпидемиология» факультетіне оқуға түсіп, 1986 жылы бітірді.
Институтты бітіргеннен кейін 1986-1989 жылдары ОКАА жұмыс істеді. 1989 жылы Қарағанды қаласы Ленин ауданының санитарлық-эпидемиологиялық станциясында санитарлық нұсқаушы, эпидемиолог көмекшісі, эпидемиолог дәрігер болып жұмыс істеді. 1997 жылдан бастап 2002 жылдың наурыз айына дейін Қарағанды қаласының Өңірлік СЭС жұмыс істеді. 2003-2011 жылдар аралығында Қарағанды қаласы Октябрь ауданы санитариялық қызмет басқармасының коммуналдық бөлімінде бас маман болып жұмыс істеді. 2011 жылы Қарағанды қаласы Қазыбек би атындағы ауданының санитариялық- эпидемиологиялық бақылау басқармасына оралып, осы күнге дейін эпидемиологиялық бақылау және қадағалау бөлімінің бас маманы болып жұмыс істеді. Санитариялық қызметтегі жалпы еңбек өтілі 35 жыл. Халықтың санитариялық-эпидемиологиялық саламаттылығы саласына қосқан зор үлесі үшін Қ.С.Балмаханова:
- 2006 жылы Октябрь ауданы әкімінің, 2010 жылы Октябрь ауданының санитариялық-эпидемиологиялық станциясының бастығының, 2020 жылы Қарағанды қаласы әкімінің, 2021 жылы Қарағанды облысының санитариялық-эпидемиологиялық бақылау департаментінің, 2024 жылы Қарағанды қаласы Қазыбек би атындағы ауданының санитариялық-эпидемиологиялық бақылау басқармасы басшысының Құрмет грамоталарымен марапатталған.
Жұмыс барысында халық арасында туберкулез, күйдіргі, құтырма сияқты т.б. аса қауіпті аурулардың таралуының алдын алуға үлес қосты.
Құрметті Қалтай Серікбайқызы!
Халықтың саламаттылығы мен денсаулығын қамтамасыз ету саласын қамтамасыз етуге деген адалдығыңыз, халықтың денсаулығына қатысты басқа да өзекті мәселелерді шешуге белсенді қатысқаныңыз, жоғары жауапкершілігіңіз және кәсіби біліктіліктілігіңіз үшін үшін сізге алғыс айтамыз. Сіз өз ісіңіздің нағыз маманы ретінде әріптестер ғана емес, басқа да жұмыс барысында іскерлік қарым-қатынаста болған мемлекеттік ұйымдардың, мекемелердің мамандары арасында құрметке бөлендіңіз.
Зейнеткерлік демалысыңыз құтты болсын! Жасыңыз ұзақ, денсаулығыңыз мықты, отбасыңыз аман болсын!