Жатырішілік инфекциялар: себептері және алдын алу

Жатырішілік инфекциялар - бұл эмбрионның, ұрықтың, жаңа туған нәрестенің және жас балалардың пренатальды немесе босану кезіндегі инфекциядан туындайтын жұқпалы аурулары.

Ананың денсаулығы баланың жағдайын анықтайтын негізгі фактор болып табылады (бастапқыда тұқым қуалайтын немесе басқа даму бұзылыстары жоқ сау ұрықта). Нәресте ана құрсағында болған кезде мүлдем қауіпсіз болып көрінеді, бірақ бұл болашақ ананың өзі сау болған жағдайда ғана.

Ұрықтың құрсақішілік инфекциясының себептері - анасында созылмалы инфекциялардың (кариес, тонзиллит), несеп-жыныс жүйесінің инфекциялық және қабыну ауруларының (колпит, пиелонефрит және т.б.) емделмеген ошақтарының болуы.  Перзентханадан шыққаннан кейін жаңа туған нәрестелер арасында іріңді-септикалық инфекциялардың пайда болуына ананың бала күтімі ережелерін сақтамауы ықпал етуі мүмкін.

2025 жылдың ағымдағы кезеңінде Қарағанды облысында жаңа туған нәрестелердің құрсақішілік инфекциялармен сырқаттану жағдайлары тіркелмеген, 2024 жылдың ұқсас кезеңінде 1 жағдай (құрсақішілік пневмония) тіркелген.

Жүктілікті жоспарлау кезеңінде және жүктілік кезінде жатырішілік инфекцияның алдын алу жүктілікке уақтылы дайындалу және оны жоспарлау, маман дәрігерлерге үнемі бару, болашақ анада жұқпалы аурулардың болуын диагностикалаудан, әйелдің ұрпақты болу жүйесінің жұқпалы-қабыну ауруларын уақтылы және толық емдеу, үй жануарларын (мысалы, мысықтарды токсоплазмозға) тексеруден тұрады, жаңа туған нәрестенің бетіне немесе денесіне тигізер алдында қол гигиенасын сақтау, науқастармен және инфекцияны тасымалдаушымен, оның ішінде туыстарының арасында байланысын болдырмау, үйді ылғалды тазалау және оны таза ұстау.

Болашақ аналар - жүктілік кезіндегі Сіздің денсаулығыңыз дені сау баланың туылуының кепілі!