Қызылшаны тіркеу кезінде санитариялық-эпидемияға қарсы және санитариялық-профилактикалық іс-шараларды ұйымдастыру мен өткізудің өзекті мәселелеріне арналған оқыту семинары өтті
БҮГІН, 5 ақпанда, Қарағанды облысының санитариялық-эпидемиологиялық бақылау департаменті ZOOM форматында қызылша тіркелген кезде санитариялық-эпидемияға қарсы және санитариялық-профилактикалық іс-шараларды ұйымдастыру мен өткізудің өзекті мәселелеріне арналған оқыту семинарын өткізді.
Семинарды Қарағанды облысының санитариялық-эпидемиологиялық бақылау департаментінің басшысы Юрий Залыгин және басшының орынбасары Гүлжан Байгутанова ашты. Кіріспе сөздерінде олар қарастырылып отырған мәселелердің өзектілігін және қызылшаның таралуының алдын алу үшін профилактикалық іс-шараларды уақтылы жүргізудің маңыздылығын атап өтті.
Іс-шараға денсаулық сақтау ұйымдарының медициналық қызметкерлері, сондай-ақ Қарағанды облысы қалалары мен аудандарының санитариялық-эпидемиологиялық бақылау басқармаларының мамандары қатысты (217 қосылу).
Семинар барысында бөлімнің басшысы Венера Галимова өңірдегі қызылша бойынша эпидемиологиялық жағдайға талдау жасап, санитариялық-эпидемияға қарсы және санитариялық-профилактикалық іс-шараларды іске асыру кезінде туындайтын проблемалық мәселелерге назар аударды.
Қазақстан Республикасы Денсаулық сақтау министрлігінің 2021 жылғы 2 ақпандағы № ҚР ДСМ-13 бұйрығына сәйкес санитариялық-эпидемияға қарсы және санитариялық-профилактикалық іс-шараларды ұйымдастыру және өткізу тәртібін түсіндірумен бас маман Гүлім Жақсыгелді сөз сөйледі.
Қарағанды облысының бас штаттан тыс инфекционисі, профессор Ержан Жунусов өз баяндамасында қызылшаның клиникасы, диагностикасы және науқастарға медициналық көмек көрсету мәселелерін қамтыды.
Сонымен қатар, «Ұлттық сараптама орталығы» ШЖҚ РМК-ның Қарағанды облысы бойынша филиалының вирусолог дәрігері Нұргүл Мұқанова қызылшаға зертханалық зерттеулер жүргізу үшін биологиялық материалды алу, сақтау және жеткізу ережелеріне жан-жақты тоқтады.
Семинар қорытындысы бойынша Департамент басшысы Ю. Залыгин ведомствоаралық өзара іс-қимылды күшейтуге және қызылшаның таралуының алдын алу мақсатында халық арасында ақпараттық-түсіндіру жұмыстарын жүргізуге бағытталған әдістемелік ұсынымдар берді.