Нанның да барлығы пайдалы емес

Тағамдардың басым бөлігі технологиялық өңдеу нәтижесінде өзінің пайдалы қасиеттерін және микронутриенттерді, ең алдымен дәрумендер мен минералды заттарды (С, А, D, В тобы, темір, кальций, магний, йод, мырыш, селен және басқалар) жоғалтады, олар алмастыруға келмейтін тағамдық заттарға жатады, біздің ағзаға қалыпты зат алмасу, ағзаның өсуі мен дамуы, физиологиялық қажеттілікті толық көлемде қамтамасыз ету үшін тұрақты түсіп тұруы қажет.
Ұн өндіру кезінде кебекпен бірге 75-90% дәрумендер мен минералдар жоғалады, олар қалыпты зат алмасуға, ағзаның өсуі мен дамуына, аурулардан және зиянды экологиялық факторлардан қорғауға, барлық өмір сүруге қажетті функцияларды атқаруға қажет. Ұн комбинаттарымен қосымша дәрумендік-минералды кешенмен (премикс) жоғары және бірінші сұрыпты ұн байытылады.

Байытылған ұнды «Дәруменді-минералды қоспамен байытылған ұн» немесе «байытылған ұн» деген жазу арқылы айыруға болады. Тамақты пісіргенде және дайындағанда, байытылған ұн 95% дейін қоректік заттарды сақтайды.
Байытылған нан мен ұн өнімдерімен бірге, темірге бай азық-түлікті: бұршақтар, дәндер, жүгері және жаскөкті көп мөлшерде тұтынуға тырысыңыз. Жаңа піскен көкөністер мен жемістерді жеген дұрыс. Шай мен кофенің 70-100% темірдің ағзаға сіңуіне жол бермейтінін білу керек, сондықтан шай немесе кофені тамақ ішу кезінде немесе тамақтан кейін бірден ішпеген жақсы, шай немесе кофені қайнатылған немесе минералды су, шырын немесе компотпен алмастыруға болады.