Облыстың балалар сауықтыру ұйымдарын жазғы маусымға дайындау мәселелері бойынша семинар-кеңес өтті

Қарағанды облысының санитариялық-эпидемиологиялық бақылау департаментінде департамент басшысы Юрий Залыгиннің төрағалығымен ZOOM режимінде аумақтық санитариялық-эпидемиологиялық бақылау басқармаларының басшылары мен мамандарының қатысуымен семинар-кеңес өтті.
Семинар-кеңесте білім беру және тәрбие ұйымдарында санитариялық-эпидемиологиялық талаптарды қамтамасыз ету, Облыстың балалар сауықтыру ұйымдарын жазғы маусымға дайындаудың проблемалық мәселелері талқыланды, объектілерде санитариялық-эпидемиологиялық талаптардың бұзылуын жою және білім беру және тәрбиелеу объектілерін нормативтік құқықтық актілердің талаптарына сәйкес келтіру жөніндегі іс-шаралардың уақтылы және сапалы өткізілуіне бақылауды күшейту жөнінде тапсырмалар берілді.

Департаменттің білім беру және тәрбие объектілерін бақылау және қадағалау бөлімінің басшысы Майра Белгібаева семинар-кеңеске қатысушыларға білім беру ұйымдарында тамақтану стандартына енгізілген өзгерістер мен толықтыруларды түсіндіріп, Астана қаласында Қазақстан Республикасы Денсаулық сақтау министрлігінің санитариялық-эпидемиологиялық бақылау комитеті ұйымдастырған бір күндік семинарының материалдарымен таныстырды.