⚜️Семинар

        2026 жылғы 18 наурызында ҚР ДСМ СЭБК Атырау облысының санитариялық-эпидемиологиялық бақылау департаменті, Атырау облысы бойынша Біріккен Қазақстандық стоматологтар қауымдастығы, Атырау облысы бойынша Қазақстан стомоталогиялық қауымдастығы 2026 жылғы 18 наурыздағы №38/18 бірлескен бұйрығына сәйкес «Стоматологиялық ұйымдарға қойылатын санитариялық-эпидемиологиялық талаптар» санитариялық қағидалары және инфекциялық бақылау жүйесін жетілдіру» туралы тақырыпта  Атырау облысының санитариялық-эпидемиологиялық бақылау департаменті басшысының  орынбасары Г.А.Ирбатырова,  Атырау облысы бойынша Қазақстан стоматологиялық қауымдастығы төрағасы Қ.М.Тишбаевтың төрағалығымен облыстық семинар өткізілді.

Семинарға ҚР ДСМ СЭБК Атырау облысының санитариялық-эпидемиологиялық бақылау департаментінің,  қалалық, аудандық саниатриялық-эпидемиологиялық бақылау басқармаларының мамандары, облыстық, қалалық, аудандық стоматологиялық ұйымдардың медициналық қызметкерлері қатысты.

Атырау облысының санитариялық-эпидемиологиялық бақылау департаменті басшысының орынбасары Г.А.Ирбатырованың,  ауруханаішілік инфекцияларды бақылау бөлімі басшысы Н.Н.Исламованың, бас маманы А.Т.Туманшинаның, өнеркәсіптік, радиациялық-қауіпті объектілерді бақылау және қадағалау бөлімінің басшысы А.Н.Кушкинбаеваның, «Park Health West» ЖШС медициналық клиникасының дәрігер эпидемиологы Г.Д.Таубаеваның, Атырау облыстық перинаталдық орталықтың  дәрігер эпидемиологы Э.Ж.Ерғалиеваның баяндамалары тыңдалды.

           Семинарға қатысушыларға халықтың санитариялық-эпидемиологиялық салауаттылығы саласындағы мемлекеттік бақылау және қадағалаудағы эпидемиолгиялық мәні бар объектілердегі мемлекеттің бақылаудың жаңа түрлері туралы түсіндірілді. Халықтың саниитариялық-эпидемиологиялық салауаттылығы саласындағы бақылау және қадағалаудағы, мемлекеттік қызмет көрсетудің кейбір мәселелері, стоматологиялық емханаларды (кабинеттерді), орталықтандырылған залалсыздандыру бөлімшелерін күтіп-ұстауға қойылатын  санитариялық-эпидемиологиялық талаптар, радиациялық қауіпсіздік, өндірістік бақылау, дезинфекциялық-стерилизациялық ереже, стоматологиялық ұйымдарда инфекциялық бақылау және инфекциялардың алдын алу, медициналық көмек көрсетумен байланысты инфекциялардың алдын алудың санитариялық-профилактикалық, санитариялық-індетке қарсы шараларын ұйымдастыруға қойылатын санитариялық-эпидемиологиялық талаптар, Атырау облысы аумағындағы ауруханаішілік жұқпалардың эпидемиологиялық жағдайы, Бүкілдүниежүзілік денсаулық сақтау ұйымының қол жуу гигиенасының  алдын алудың мультимодальды стратегиясы науқаны бойынша ақпараттар берілді.

Семинарға барлығы 64 адам қатысты.