Білім беру және денсаулық сақтау ұйымдарында жаңа тамақтану стандарттарын енгізу мәселелері бойынша семинар өткізілді

Ағымдағы жылдың 29 сәуірінде Алматы қаласының санитариялық-эпидемиологиялық бақылау департаменті мен аудандық басқармалардың білім беру және тәрбиелеу объектілерін бақылау саласына жауапты мамандар қаланың басқа да мүдделі ұйымдарының қызметкерлерімен қатар білім беру және денсаулық сақтау ұйымдарында тамақтану стандарттарын енгізу мәселелері бойынша семинарға қатысты.

Семинарда ЮНИСЕФ, «Ұлттық салауатты тамақтану орталығы» РҚБ, «Codex Alimentarius» сияқты ұйымдардың спикерлері мен өкілдері семинарға қатысушыларды жаңа тамақтану стандарттарының негізгі ережелерімен және талаптарымен таныстырып, білім беру ұйымдарында тамақтануды ұйымдастыру және сапасын бақылау мәселелерін талқылады.

Ақпарат ретінде: «Денсаулық сақтау және білім беру ұйымдарында тамақтану стандарттарын бекіту туралы» ҚР Денсаулық сақтау министрінің 2020 жылғы 21 желтоқсандағы № ҚР ДСМ-302/2020 бұйрығына өзгерістер енгізу туралы» ҚР Денсаулық сақтау министрінің 2025 жылғы 4 наурыздағы № 16 бұйрығына сәйкес, 01.09.2025 ж. бастап елімізде білім беру және денсаулық сақтау ұйымдарында жаңа тамақтану стандарттары енгізілген болатын.

Семинар Алматы қаласы Білім басқармасының «Алматы қаласы Алатау ауданы оқушылардың инновациялық шығармашылық орталығы» КМҚК алаңында өткізіліп, қатысушыларға сертификаттар табысталды.