«Дезинфекция, дезинсекция және дератизацияны ұйымдастыруға және жүргізуге қойылатын санитариялық-эпидемиологиялық талаптар» жаңа санитариялық қағидалары

Қазақстан Республикасы Денсаулық сақтау министрінің 2022 жылғы 29 шілдедегі № ҚР ДСМ-68 бұйрығымен бекітілген «Дезинфекция, дезинсекция және дератизацияны ұйымдастыруға және жүргізуге қойылатын санитариялық-эпидемиологиялық талаптар» жаңа санитариялық қағидалары (бұдан әрі – СП 68) 2022 жылғы 05 тамызда алғаш ресми жарияланғаннан кейін күнтізбелік 60 күн өткен соң күшіне енеді.

Осы құжаттың маңызды ерекшеліктерінің бірі медициналық мақсаттағы бұйымдарды (бұдан әрі - ММБ) өңдеу жөніндегі талап болып табылады.

Сонымен, СП 68 сәйкес сыни (адамның тіндерімен, қуыстарымен немесе қан жүретін жолдарымен тікелей жанасатын) және жартылай сыни (зақымданбаған сілемейлі қабықтармен жанасатын) медициналық өнімдер стерильдеуге жатады. Бұрын сыни ММБ-ны да стерильдеу қажет болатын, ал жартылай сыни медициналық бұйымдар жоғары және орта деңгейдегі дезинфекциялауға жататын.

Бұдан басқа, СП 68-де дезинфекциялық қызмет ұғымы енгізілді - стерильдеуге, дезинфекциялауға, дезинсекциялауға, дератизациялауға және олардың тиімділігі мен қауіпсіз қолданылуын бақылауға арналған құралдарды, жабдықтарды, материалдарды әзірлеуге, сынауға, өндіруге, сақтауға, тасымалдауға, өткізуге, қолдануға және кәдеге жаратуға байланысты қызмет. Сонымен қатар, дезинфекциялау қызметін жүзеге асыратын ұйымдарға қойылатын талаптар кеңейтілді.