Алматы қаласының санитариялық дәрігері өткен жылдардағы улану жағдайлары туралы айтып берді
Алматы қаласы Бостандық ауданының санитариялық-эпидемиологиялық бақылау басқармамасының санитариялық-гигиеналық бақылау және қадағалау бөлімінің бас маманы Сәуле АЛПАМЫШЕВА 2010 және 2017 жылдарындағы орын алған екі резонанстық улануды еске алды.
Алматы қаласында бір кездері танымал болған «Кувшин» кафесінде Сәуле Сейілдаханқызы 2010 жылғы жаңа жылдық мерекелер алдында әріптестерімен бірге күндіз-түні кезекшілікте болғанын айтты.
- Жаңа жыл қарсаңында бұл кафеде корпоративтік іс-шаралар өткізілді. Қонақтарға әртүрлі тағамдар, соның ішінде ысталған тауық еті бар әйгілі «Цезарь» салаты ұсынылды. Дәл осы ингредиент қалада жаппай уланудың себебі болды, - деді Сәуле Алпамышева.
Содан кейін 38 адам уланумен ауруханаға түсті. Санитариялық дәрігерлер дереу эпидемиологиялық тексеруді бастады. Сәуле Алпамышева санитариялық дәрігер Назгүл Енебаевамен бірге «Кувшин» кафесінің есіктерінің жабылғанын бақылап, сараптама тағайындады. Сонымен қатар, аспазшы мен суық цехтың аспазшысынан стафилококк инфекциясы табылғаны белгілі болды.
- Біз салатқа қосылған ысталған тауықтың жергілікті базарлардың бірінен сатып алынғанын білдік. Сатушы өнімнің біз барған Ұзынағашта жасалғанын хабарлады, - деп жалғастырды Бостандық ауданының СЭББ қызметкері.
Содан кейін барлық материалдар ауданаралық экономикалық сотқа жіберілді. Мекеме иелеріне жауапкершілікке тартылып қана қоймай, жұмыс істеуге тыйым салынды. Осы оқиғадан кейін кафе сот шешімімен жабылды.
7 жылдан кейін 2017 жылдың маусым айында Розыбакиев көшесіндегі "Аспандияр" кафесінен 20 келуші ішектен уланып ауруханаға түсті. Тексеру барысында қызметкерлердің басым бөлігінде, сондай-ақ, олардың саны 50 адам болғаны және санитарлық кітапшалары болмағаны анықталды. Асханаға ет пен жұмыртқаны базардан растайтын құжаттарсыз сатып алынған. Ас үйде тамақ дайындаудың технологиялық процесі бұзылды, өнімдері сапасыз өңдеу болды. «Кувшин» кафесі сияқты сот шешімімен жабылып, барлық жәбірленушілерге келтірілген залал өтелді. Бұл Алматы қаласындағы соңғы резонанстық улануы болды.
Сәуле Сейілдаханқызы Бостандық ауданының санитариялық-эпидемиологиялық бақылау басқармасының тәжірибелі бас мамандарының бірі. Ол республикалық медициналық училищенің түлегі. Студент кезінде Алатау СЭС-статисті болып жұмыс істей бастаған, 1994 жылы диплом алғаннан кейін санитариялық дәрігердің көмекшісі болып тағайындалған. 1999-2006 жылдары Жетісу СЭС-інде, ал 2006 жылдан қазіргі қызметінде жұмысын жалғастыруда.
Өткен жылы төтенше жағдай режимі тоқталғаннан кейін Алматы қаласындағы мекемелерін пайдалануға берумен айналысып тексеруді жалғастырды.
- Бүгін біз үйлестіру орталығы арқылы келіп түсетін шұғыл хабарламалар бойынша жұмыс істейміз. Мысалы, мониторингтік топтар карантиндік шаралардың бұзылу фактісін анықтайды, біз әкімшілік шаралар қабылдаймыз, ал қайталанған жағдайда, қызметті тоқтата тұру үшін істі сотқа жолдаймыз,- деп хабарлады Сәуле Алпамышева.
Жұмыс туралы айта отырып, Бас маман пандемия кезіндегі қазіргі өмір ырғағына қарамастан, үйде тамақ дайындауға және жеуге тырысатынын атап өтті. Демалыс күндері 8 жасар қызына тәттілер дайындап береді.
Алматы қ. СЭБД-нің баспасөз қызметі