Департамент мамандары туберкулездің алдын алу және ерте анықтау мәселелері бойынша семинарға қатысты

Алматы қаласының санитариялық-эпидемиологиялық бақылау департаментінің бас маманы Айгүл Серікқызы Асылова және Бостандық ауданы санитариялық-эпидемиологиялық бақылау басқармасының бас маманы Динара Әсетқызы Өзбекова туберкулездің алдын алу және ерте анықтау мәселелері бойынша семинарға қатысты.

 

Аталған семинар Алматы қаласы Қоғамдық денсаулық сақтау басқармасы «№4 қалалық емхана» ШЖҚ КММ алаңында ұйымдастырылды.

 

Семинар барысында туберкулезді ерте анықтаудың өзекті мәселелері талқыланып, халық арасында түсіндіру жұмыстарын, скринингтік тексерулердің сапасын арттыру және бастапқы медициналық-санитариялық көмектің рөлін күшейту қажеттігі атап өтілді.

 

Қорытындысы бойынша аурудың алдын алу мен ерте диагностикалау бағытындағы профилактикалық шаралардың тиімділігін арттыру жөнінде бірқатар ұсыныстар берілді.