Менингококк инфекция
Менингококк инфекция - ауыр және өмірге қауіп төндіретін жұқпалы ауру. Инфекция тасымалдаушы, назофарингит және жалпыланған формалар түрінде өтеді (менингококкты менингит, менингококкемия), инфекциямен барлық жастағы адамдардың сырқаттануы мүмкін, бірақ жас балалар үшін өте қауіпті. 5 жасқа дейінгі балалардың аурушаңдығы ересектерге қарағанда 25 есе жоғары.
Емделмеген жағдайда менингококк инфекциясы 50% жағдайда өліммен аяқталады. Ерте диагноз қойылып, тиісті емдеу жағдайында да пациенттердің 16% - ы симптомдар басталғаннан кейін қайтыс болуы мүмкін.
Бүгінгі таңда ересектердің 25% инфекцияның тасымалдаушысы екені белгілі. Халықтың бұл санаты айналасындағылар үшін ең қауіпті, өйткені бактерияларды үнемі бөліп тұрады.
Алдын алу шараларына мыналар жатады:
- ашық ауада серуендеу;
- бөлмелерді жиі желдету;
- дұрыс тамақтану;
- иммунитетті нығайту, еңбек және демалыс, ұйқы режимдерін сақтау;
- адамдар көп жиналатын орындарға, мәдени-көпшілік іс-шараларға баруды шектеу;
- жеке гигиена ережелерін сақтау: қолды жиі жуу, бір рет қолданылатын қағаз майлықтарды қолдану;
- менингококк инфекциясы бар науқаспен байланыста болған жағдайда, антибиотиктерді профилактикалық қабылдау