Ырғыз ауданындағы №1 қазақ жалпы білім беретін орта мектебінде вакцинацияның маңыздылығын түсіндіру мақсатында ата-аналармен кездесу өткізілді Кездесу барысында адам папиллома вирусына (АПВ) қарсы екпенің маңызы кеңінен түсіндіріліп, оның жатыр мойны обырының алдын алудағы тиімді әрі қауіпсіз әдіс екені атап өтілді . Сонымен қатар, екпенің пайдасы, оның ағзаға әсері мен қауіпсіздігі туралы жан-жақты ақпарат беріліп, ата-аналардың вакцинацияға қатысты сұрақтарына нақты жауаптар ұсынылды . Кездесу соңында ата-аналар тарапынан оң пікірлер айтылып, вакцинацияның маңыздылығына деген көзқарас нығая түсті