Қоғамда әйелдерге қатысты кемсітушілік пен жыныстық қудалаудың алдын алу, осы бағыттағы профилактикалық шараларды жүйелі түрде жүргізу, сондай-ақ тұрмыстық зорлық-зомбылықтың алдын алу, оның салдарымен күресу

Әдеп жөніндегі уәкілдердің 2025 жылға арналған үлгілік жұмыс жоспарына сәйкес Әдеп жөніндегі уәкілі Аяғанова Индира Алмагамбетованың ұйымдастыруымен Ақтөбе облысы әкімінің жанындағы әйелдер істері және отбасылық-демографиялық саясат жөніндегі комиссия мүшесі, БҚМУ-дың аға оқытушысы Қожабекова Жұлдыз Қазиханқызы Ақтөбе облысының СЭБД қызметкерлеріне арнап семинар өткізді.
Семинардың негізгі мақсаты — қоғамда әйелдерге қатысты кемсітушілік пен жыныстық қудалаудың алдын алу, осы бағыттағы профилактикалық шараларды жүйелі түрде жүргізу, сондай-ақ тұрмыстық зорлық-зомбылықтың алдын алу, оның салдарымен күресу тетіктерін түсіндіру болды.
Жиында отбасы институтының қоғамдағы рөлі, отбасылық құндылықтарды дәріптеу, гендерлік саясатты қолдау мәселелері жан-жақты талқыланды. Қатысушыларға құқықтық мәдениетті нығайту, жұмыс орнында және күнделікті өмірде этикалық нормаларды сақтау бойынша пайдалы ақпарат пен тәжірибелік ұсыныстар берілді.
Іс-шара қызметкерлердің гендерлік теңдікке қатысты түсінігін кеңейтіп, қауіпсіз және қолайлы орта қалыптастыруға бағытталған маңызды диалог алаңына айналды.