Балық өнімдерінің қауіпсіздігі

Балық пен теңіз өнімдері ең пайдалы тағамдардың бірі болып саналады. Олар ағзаға қажетті жеңіл сіңірілетін ақуыздың, дәрумендердің, пайдалы май қышқылдарының және микроэлементтердің құнды көзі болып табылады.

Алайда балық өнімдерінің пайдасы олардың сапасы мен қауіпсіздігіне тікелей байланысты. Сондықтан балықты таңдау кезінде өнімнің сыртқы түріне ғана емес, оны сақтау және сату жағдайларына да назар аудару қажет.

Бұзылу белгілері бар, жағымсыз иісі сезілетін, түсі өзгерген, сондай-ақ қауіпті токсиндер немесе паразиттер анықталған балық өнімдерін сатуға жол берілмейді. Сақтау барысында ерітілген өнімдерді өткізуге тыйым салынады.

Балық өнімдерінің қауіпсіздігі айналымның барлық кезеңдерінде қамтамасыз етілуі тиіс. Өндірушілер мен жеткізушілер КО ТР 040/2011 талаптарын сақтауға, тасымалдау кезінде қажетті температуралық режимді қамтамасыз етуге, тиісті қаптаманы пайдалануға, сондай-ақ көлік құралдары мен контейнерлерді тұрақты түрде жуып, дезинфекциялауға міндетті.

Сапасыз өнімді сатып алмау үшін балықты тек тоңазытқыш қондырғыларымен жабдықталған мамандандырылған дүкендерден және ресми сауда орындарынан сатып алған жөн. Балық өнімдерін кездейсоқ сатушылардан сатып алу ұсынылмайды.

Балықты таңдаған кезде оның сыртқы түріне назар аударыңыз. Балғын еместігінің белгілеріне жағымсыз иіс, қарайған желбезектер, бұлыңғыр көздер және босаң консистенция жатады. Өнімнің балғындығына көз жеткізудің ең сенімді жолы – тірі балық сатып алу.

Таңдау кезінде қарапайым ережелерді сақтау өзіңізді және жақындарыңызды тағамнан уланудан қорғауға әрі денсаулықты сақтауға көмектеседі.