Ақмола облысында «Денсаулық» VII облыстық спартакиадасы аясындағы жарыстар бастау алды

Ақмола облысының санитариялық-эпидемиологиялық бақылау департаменті денсаулық сақтау жүйесі қызметкерлері арасында өтіп жатқан «Денсаулық» VII облыстық спартакиадасының аймақтық кезеңі аясында бүгін ұлттық зияткерлік ойын — тоғызқұмалақтан жарыс өткенін хабарлайды.

 

Аталған сайыс спартакиада бағдарламасындағы спорттық іс-шаралар легінің бастамасы болып табылады. Алдағы уақытта жарыстар өзге де спорт түрлері бойынша жалғасын табады. Тоғызқұмалақ турнирінің өткізілуі ұлттық мәдени мұраны дәріптеуге, ойлау қабілетін дамытуға және медицина қызметкерлері арасындағы ынтымақтастық пен ұйымшылдықты нығайтуға бағытталған маңызды шара болды.

 

Жарыс ерлер мен әйелдер арасында жеке-жеке өткізілді. Қатысушылар жоғары деңгейдегі шеберліктерін, терең стратегиялық ойлау қабілетін және тартысты бәсекені көрсетті.

 

Жарыс қорытындысы бойынша жеңімпаздар анықталды:

Ерлер арасында:

• I орын — Баймұрат Сексенбек;

• II орын — Абушахманов Бекасыл Мейірбекұлы;

• III орын — Соломин Мади.

 

Әйелдер арасында:

• I орын — Тезекбаева Гүлназ Сайранқызы;

• II орын — Сәлім Әсем Амантайқызы;

• III орын — Дәулетбаева Жанар Ғабитқызы (Көкшетау қаласының санитариялық-эпидемиологиялық бақылау басқармасы).

 

Жеңімпаздар «Денсаулық» VII облыстық спартакиадасының финалдық кезеңінде өз командаларының намысын қорғау құқығына ие болды.

 

Алдағы уақытта қатысушыларды спартакиаданың өзге де спорт түрлері бойынша өтетін жарыстар күтіп тұр. Бұл іс-шаралар денсаулықты нығайтуға, салауатты өмір салтын кеңінен насихаттауға және медицина қызметкерлері арасындағы командалық өзара іс-қимылды дамытуға ықпал етеді.

 

Ақмола облысының санитариялық-эпидемиологиялық бақылау департаменті жеңімпаздарды құттықтап, барлық қатысушыларға белсенділік танытқандары үшін және салауатты өмір салты қағидаттарына адалдығы үшін алғыс білдіреді.