«Салауатты жұмыс орындары» жобасын іске асыру кезеңдері

«Салауатты жұмыс орындары» жобасын іске асыру кезең-кезеңмен жүзеге асырылады және қызметкерлердің денсаулығын нығайту жөніндегі іс-шараларды жоспарлауға, енгізуге, мониторингтеуге және ұдайы жетілдіруге бағытталған дәйекті, өзара байланысты үрдісті білдіреді.

1 кезең - жоспарлау: ағымдағы ахуал мен еңбек жағдайларына талдау жүргізу, жұмыс тобын құру, жұмыскерлердің денсаулығын нығайтудың үйлестірушісі мен басым бағыттарын айқындау, іс-шаралар жоспарын әзірлеу, ресурстарды, процесс пен нәтиже индикаторларын, мониторинг тетіктері мен бағалау мерзімдерін айқындау.

2 кезең - іске асыру: физикалық белсенділікті қолдауды, дұрыс тамақтануды, темекі шегуден бас тартуды, алкогольді тұтынуды азайтуды, сондай-ақ психоэмоционалды әл-ауқатты сақтау және стрессті басқару шараларын қоса алғанда, жұмыс орнында салауатты өмір салтын қалыптастыру жөніндегі іс-шараларды енгізу.

3 кезең - мониторинг және бағалау: бекітілген индикаторлар бойынша деректерді жүйелі түрде жинау және талдау, іс-шаралардың тиімділігін бағалау, нысаналы көрсеткіштерге қол жеткізу, жауапты тұлғаларды анықтау және бағалау жүргізу мерзімдері.

4 кезең - жақсарту және түзету: жобаның тиімділігі мен тұрақтылығын арттыру үшін мониторинг және бағалау нәтижелері негізінде Жоба іс-шараларын үнемі жетілдіру және түзету.

«Салауатты жұмыс орындары» жобасын кезең-кезеңімен іске асыру қызметкерлердің денсаулығын нығайтуға, қауіп факторларын төмендетуге және қауіпсіз және қолайлы жұмыс ортасын қалыптастыруға жүйелі және тұрақты тәсілді қамтамасыз етеді, бұл ұйым қызметінің тиімділігін арттыруға ықпал етеді.