Ақмола облысының санитариялық-эпидемиологиялық бақылау департаментінде аумақтық санитариялық-эпидемиологиялық бақылау басқармаларының өкілдеріне арналған оқыту семинары өтті.

Жұмыс барысында қатысушылар сыбайлас жемқорлыққа қарсы заңнаманы қолданудың тәжірибелік қырларын, сондай-ақ Қазақстан Республикасы Кәсіпкерлік кодексінің нормаларына сәйкес тексерулерді ұйымдастыру және жүргізу тәртібін қарастырды.

Алдын алу бақылауына қатысты мәселелер бойынша негізгі баяндамашы ретінде ведомство бөлімінің басшысы Булат Байкенов сөз сөйледі. Ол өз баяндамасында тексерулерді ұйымдастыру мен жүргізу тәртібін, оларды жүзеге асыру мерзімдерін, сондай-ақ бақылау және қадағалау субъектісіне (нысанына) бару арқылы нәтижелерді ресімдеу ережелерін егжей-тегжейлі түсіндірді. Спикер қорытынды құжаттарды ресімдеуге қойылатын талаптарға және заңнамада қатаң белгіленген рәсімдерді сақтау қажеттілігіне ерекше назар аударды.

Семинарда сыбайлас жемқорлыққа қарсы заңнаманы қолданудың өзекті мәселелері де талқыланды. Қатысушылар жұмыс барысында туындайтын тәжірибелік мысалдарды, сондай-ақ бұзушылықтардың алдын алу шараларын, соның ішінде бақылаудағы субъектілермен өзара іс-қимыл кезінде қабылданатын әрекеттерді қарастырды. 2025 жылдың бірінші жартыжылдығына қатысты құқықтық статистика органдарының материалдарында көрсетілген проблемалық мәселелерге жеке тоқталынды.

Іс-шара қорытындысында департамент басшысы Серік Омарханов айтылған талаптар мен ұсынымдарды қатаң сақтау қажеттігін атап өтіп, бұл профилактикалық бақылаудың тиімділігін арттыруға және барлық деңгейде құқықтық нормалардың сақталуын қамтамасыз етуге мүмкіндік беретінін жеткізді.