Бруцеллез — бұл Brucella туысына жататын бактериялар арқылы ауру жануарлардан адамға жұғатын жұқпалы ауру.

Бруцеллез — бұл Brucella туысына жататын бактериялар арқылы ауру жануарлардан адамға жұғатын жұқпалы ауру.
Адамдарда аурудың белгілері 2-3 аптадан кейін, кейде одан да кеш пайда болып, жоғары температура, қалтырау, әлсіздік, тершеңдік және тәбеттің төмендеуімен басталады. Кейінірек бас ауруы, ұйқысыздық, температураның күрт өзгеруі, сондай-ақ ірі буындардағы ауырсыну мен ісіну пайда болады.
Бруцеллез асқынуларымен қауіпті, сондықтан аурудың алғашқы белгілері байқалғанда дереу дәрігерге қаралу қажет.
Негізгі жұқтыру көздері — қой мен ірі қара мал, әсіресе төлдеу кезеңінде, бактериялар төлмен және қағанақ суымен бөлінеді. Жұғу жануарларды күту кезінде немесе жұқтырылған малдың ұшасын бөлшектеу кезінде терінің зақымдануы, ауыз, мұрын және көздің шырышты қабаттары арқылы жүреді.
Қауіпті болып табылатындар: шикі сүт және одан жасалған өнімдер (қаймақ, май, құрт), ет, жүн және ешкі жүні, сондай-ақ ластанған заттар мен күтім материалдары.
Алдын алу шараларына ауру жануарларды іріктеп шығару, өнімдерді зарарсыздандыру және үнемі дезинфекциялау кіреді. Ауыл шаруашылығы қызметкерлеріне арнайы киім (халат, етік, қолғап) кию, қолды жиі жуу, жұмыс киімін дезинфекциялау, сондай-ақ бруцеллезге тұрақты түрде тексерілуден өту ұсынылады.
Жануарларды ветеринариялық құжаттары бар орындардан сатып алу, өнімдерді ресми сатылатын жерлерден алу және сүтті қайнатып ішу қажет.