Ақмола облысының санитариялық-эпидемиологиялық бақылау департаменті басшысының орынбасары Қанат Искаков 2025 жылдың алғашқы төрт айының қорытындысы бойынша денсаулық сақтау саласының жұмысына арналған облыстық Денсаулық сақтау басқармасының кеңейтілген алқа отырысына қатысты.

Ақмола облысының санитариялық-эпидемиологиялық бақылау департаменті басшысының орынбасары Қанат Искаков 2025 жылдың алғашқы төрт айының қорытындысы бойынша денсаулық сақтау саласының жұмысына арналған облыстық Денсаулық сақтау басқармасының кеңейтілген алқа отырысына қатысты.
Алқа отырысы сындарлы атмосферада өтті және өңірдегі денсаулық сақтау жүйесін дамыту бағыттарын талқылауға арналған алаңға айналды.
Жиын барысында Ақмола облысында Қазақстан Республикасының 2026 жылға дейінгі денсаулық сақтауды дамыту тұжырымдамасын іске асыру шеңберіндегі нәтижелер мен өзекті міндеттер қаралды.
Халыққа медициналық көмектің сапасы мен қолжетімділігін арттыру мәселелеріне, оның ішінде пациенттерге қолдау көрсетуді жетілдіру және жүкті әйелдерді медициналық сүйемелдеу бағыттарына ерекше назар аударылды.
Бөлек тақырып ретінде ана өлімін азайтуға бағытталған шаралар талқыланды. Баяндамашылар жүкті әйелдерге медициналық көмек көрсетудің заманауи тәсілдерін енгізудің, көрсетілетін қызметтердің сапасына мониторингті күшейтудің, сондай-ақ медицина қызметкерлерінің кәсіби даярлығын арттырудың маңыздылығын атап өтті.
Алқа отырысы алдағы кезеңге арналған нақты ұсынымдар мен міндеттерді айқындаумен аяқталды. Олардың қатарында — алғашқы медициналық-санитариялық көмекті одан әрі нығайту, пациенттерді қолдау қызметтерін дамыту және өңірдің денсаулық сақтау жүйесінің профилактикалық бағытын күшейту бар.