Медициналық қызметтердің қолжетімділігі мен сапасы мәселелері әлеуметтік мәселелер жөніндегі тұрақты комиссия отырысында талқыланды
Ақмола облысы санитариялық-эпидемиологиялық бақылау департаменті басшысының орынбасары Ғалымбек Алин әлеуметтік мәселелер жөніндегі тұрақты комиссияның отырысына қатысып, онда Әлеуметтік медициналық сақтандыру қорының өңірлік филиалының қызметіне байланысты өзекті мәселелер қаралды.
Назар ортасында – халықтың мүддесіне тікелей қатысты тақырыптар: медициналық көмектің қолжетімділігі, міндетті әлеуметтік медициналық сақтандыру жүйесінің тиімділігі, сондай-ақ медициналық ұйымдардың Қормен өзара әрекеттестігі.
Отырыста қатысушылар облыстың шалғай және қол жетуі қиын елді мекендерінде шұғыл медициналық көмекті көрсету мәселесіне ерекше назар аударды. Мұндай аудандарда халықты уақтылы және сапалы медициналық көмекпен қамтамасыз етуде әлі де қиындықтар бар екені атап өтілді.
Отырыс қорытындысы бойынша қатысушылар барлық мүдделі тараптардың тығыз өзара іс-қимылы негізінде ғана мүмкін болатын жүйелі өзгерістер қажеттігін атап өтті. Өңірлік филиалдың жұмыс тиімділігін арттыруға, көрсетілетін медициналық қызметтердің сапасын жақсартуға, сондай-ақ әлеуметтік медициналық сақтандыру жүйесінің ашықтығын қамтамасыз етуге бағытталған нақты ұсынымдар әзірленді.