Елордада «Vivaldi&Haydn» атты классикалық музыка кеші өтті

Роза Бағланова атындағы «Қазақконцерт» мемлекеттік академиялық концерттік ұйымының Қазақ мемлекеттік симфониялық оркестрі көрермен назарына Антонио Вивальди мен Йозеф Гайдн шығармашылығына арналған «Vivaldi&Haydn» атты классикалық музыка кешін ұсынды.

Концертте  әлемдік классиканың жауһары - «Жыл мезгілдері» мен австрия композиторы Йозеф Гайднның скрипка мен фортепианоға арналған музыкалық туындысы орындалды.

Іс-шарада  Қазақстанның еңбек сіңірген қайраткерлері, халықаралық байқаулардың лауреаттары өнер көрсетті. Ал кештің құрметті қонағы ретінде италиялық пианист, Дж. Верди атындағы Милан консерваториясының түлегі Антонелло Д’Онофрио арнайы шақырылды.

 

ҚР Мәдениет және ақпарат министрлігінің баспасөз қызметі