Поэтикалық мушайра

18-сәуір күні «Достар»  мәдениет сарайында Ұлы Отан соғысындағы Жеңістің 80 жылдығына орайластырылған жас ақындар арасындағы – мүшәйра,  поэтикалық сайысы өтті.  Бұл  шара жай ғана байқау емес, поэтикалық сөздің күшін, тарихи есте сақтауды және батырлардың ерлігіне терең құрметпен қарауды біріктірген, ұрпақтар арасындағы нағыз рухани көпір болды.

Байқауға 9 жас ақын қатысып, олар сахнада өлең оқып қана қоймай, ата-баба ерлігіне деген алғыс пен мақтанышқа толы өз қаламдарынан туған өлеңдерін шын жүрекпен оқып, көрермен жүрегіне жеткізді. Қатысушылар Бауыржан Момышұлы, Мәлік Ғабдуллин, Әлия Молдағұлова, Мәншүк Мәметова сынды қазақ халқының даңқты ұл-қыздарының ерлігі мен батырлығын жырлады. Олардың есімдері Жеңіс шежіресіне мәңгі жазылып, ал биыл еліміз олардың мерейтойларын ерекше сезіммен атап өтуде.

Ақындардың өнерін белгілі жазушы, журналист Серік Жетпісқалиев бастаған білікті қазылар алқасы бағалады. Бағалау кезінде шығармалардың идеялық тереңдігіне, орындау шеберлігіне, сезімнің шынайылығына және поэтикалық әсеріне ерекше көңіл бөлінді.

Ақынның әрбір өнер көрсетуі жүректің шынайы ашылуымен іспеттес болды: өлеңдер дұғадай, естеліктерді сақтау антыдай, жүректің патриотизмге шақыруындай естілді. Жас ақындардың өлең жолдары  жүректі  тербеп, жиналған қауымды тәнті етіп, көрерменнің зор қошеметіне ие болды. 

Барлық қатысушыларға алғыс хаттар табысталып,  ал мүшәйра жеңімпаздары мен жүлдегерлеріне ұйымдастырушы – қалалық мәдениет, тілдерді дамыту, дене шынықтыру және спорт бөлімінен дипломдар мен естелік сыйлықтар табысталды.