Казак куресі

6-8 сәуір аралығында Ақмола облысының Зеренді ауылында аты аңызға айналған қазақ балуаны Қажымұқан Мұңайтпасовты еске алуға арналған қазақ күресінен облыс чемпионаты өтті.

Аталмыш чемпионаттың ашылу салтанаты қатысушыларды қарсы алған Қажымұқан шөбересінің қатысуымен өтті. Балуанның шөбересі Айкен Мұханова барлығын жеңіс үшін күресуге және қазақ ұлттық спортының дәстүрлерін жалғастыруға шақырды.

Турнирге облыстың 11 ауданынан 100-ден астам балуан қатысты. Олардың арасында халықаралық деңгейдегі екі спорт шебері және 10 спорт шебері бар.

Жарыс 7 салмақ дәрежесінде өтіп, балуандар облыс чемпиондары атағы үшін күресте шеберліктің, төзімділіктің және күштің жоғары деңгейін көрсетті.

Көкшетау қаласының құрама командасы турнирге 19 балуанын жіберіп, олардың арасында әртүрлі жарыстарда бірнеше рет медаль жеңіп алған танымал қазақ күрес шеберлері де бар.

Күрес  турнирінің қорытындысы бойынша Көкшетау құрамасы 4 алтын, 5 күміс және 4 қола медаль жеңіп алды. Өздерінің салмақ дәрежесінде Нұржан Гилмиденов, Леонид Станеев, Мағжан Қайриденов, Әсет Жүнісов жеңімпаз атанды.

Чемпионат соңында республикалық жарыстарға қатысатын Ақмола облысының құрама командасы құрылады.