Көркемөнерпаздар байқауына дайындық

«Достар» мәдениет сарайы жанындағы «Інжу» би ансамблінде 3 жастан 18 жасқа дейінгі балалар үш жас тобы бойынша білім алады. Ұжымды тәжірибелі әрі талантты педагог Наиля Кодолко басқарады.

Хореографтың педагогикалық қызметі тәрбиеленушілердің жан-жақты дамуына бағытталған: ырғақ сезімін, икемділікті, музыкалылықты, сахналық мәнерлілікті қалыптастыру, сондай-ақ командада жұмыс істеу қабілетін дамыту. Ансамбль репертуарында халық, эстрадалық және заманауи билер бар.

«Інжу» ансамблі техникалық және көркемдік тұрғыда қарқынды дамып, тұрақты шығармашылық жетістіктерімен ерекшеленіп келеді. 2025 жылы ұжым «Dance Time» халықаралық хореографиялық байқауында Гран-при иегері атанып, жоғары дайындық деңгейі мен қойылымдарының бірегейлігі арқылы қазылар алқасын тәнті етті.

Қазіргі уақытта ансамбль 28 сәуір күні «Достар» мәдениет сарайы сахнасында өтетін «Ақмола жұлдыздары» қалалық көркемөнерпаздар байқауына қызу дайындық жүргізуде.