Тау туризмі техникасы бойынша жарыстар

Көкшетауда тау туризмі техникасы бойынша жарыстар өтті — бұл белсенді демалыс түрі жыл сайын жастар арасында кеңінен танымал бола түсуде. Ол физикалық төзімділікті арттырып, денсаулықты нығайтады, сондай-ақ тауда ғана емес, күнделікті өмірде де пайдалы болатын маңызды дағдылар мен қасиеттерді қалыптастырады.

Іс-шараны ұйымдастырушы — қалалық мәдениет және спорт бөлімі. Негізгі мақсат — халық арасында бұқаралық спорттық туризмді дамыту. Жарысқа 10 командадан құралған, жалпы саны 35 қатысушы қатысты. Қатысушылар 11-ден 18 жасқа дейінгі үш жас санаты бойынша сынға түсті.

Екі күн бойы «Тандау» мектебінің базасында жасөспірімдер биіктіктегі кедергілерді еңсеруде өздерінің күшін, ептілігін және шеберлігін көрсетті. Жарыс өте тартысты әрі қызықты өтті.

Нәтижесінде, юниорлар арасында ФИРН командасы жеңіске жетсе, жасөспірімдер арасында ЦВР «Әулет-Көкшетау» командасы үздік атанды.

Жеңімпаздар мен жүлдегерлер ұйымдастырушылар тарапынан медальдармен, грамоталармен және бағалы сыйлықтармен марапатталды.