Азаматтарды қабылдау

27 тамыз күні «Халық үніне құлақ асатын мемлекет» тұжырымдамасын іске асыру аясында Көкшетау қалалық мәдениет, тілдерді дамыту, дене шынықтыру және спорт бөлімінің басшысы Қуным Абдысалыққызы Уразбаева азаматтарды жеке қабылдау өткізді.

Қабылдау барысында қала тұрғындары салауатты өмір салтын насихаттау мен спортты дамытуға қатысты ұсыныстарын білдірді.

Дамира Жаубасар жастар арасында жеңіл атлетиканы дамыту қажеттігін көтерсе, Сергей Воскресенский қалада каратэ мен кикбоксинг сияқты спорттық жекпе-жектерді қолдауды сұрады. Тағы бір тұрғын Самат Аукенов ұлттық ойын — асық атуды кеңінен насихаттап, осы ойынмен айналысу үшін қалада арнайы үйірмелер ашуды ұсынды.

Қуным Абдысалыққызы барлық ұсыныс-пікірлерді мұқият тыңдап, белсенді азаматтық ұстанымдары үшін тұрғындарға алғысын білдірді. Ол көтерілген мәселелер бойынша тиісті жұмыстар жүргізілетінін айтып, бөлімнің құзыреті шеңберінде қолдау көрсетуге дайын екенін жеткізді.