Қазақстан Республикасының «Білім туралы» Заңының талаптарына сәйкес Батыс Қазақстан облысының білім саласында сапаны қамтамасыз ету департаменті 2023 жылдың сәуір айында бекітілген тізім негізінде 5 мектепке дейінгі білім беру ұйымында, 17 орта білім беру ұйымында бақылау субъектісіне (объектісіне) бармай профилактикалық бақылау арқылы мемлекеттік аттестаттау жүргізді.

Мемлекеттік аттестаттау нәтижесінде 17 мектеп пен 5 мектепке дейінгі ұйым аттестаттаудан өтпеді.

Білім беру ұйымдарының аттестаттаудан өтпеуінің басты себебі мемлекеттік жалпыға міндетті білім беру стандарты (МЖМБС) талаптарының бұзылуы. Аттестаттау комиссиясымен өзін-өзі бағалау материалдарын талдау, зерделеу қорытындылары бойынша білім беру ұйымдарына МЖМБС талаптарында анықталған бұзушылықтар мен әдістемелік ұсынымдар берілді.

Өзін-өзі бағалауын ұйымдастыру және жүргізу кезінде бірыңғай тәсілді қолдану ұсынылады.