Департаментте қала прокуроры мен жекеменшік мектептердің басшыларымен жұмыс кездесуі өтті

✅ Прокуратураның ұсынуы бойынша Шығыс Қазақстан облысының білім саласында сапаны қамтамасыз ету департаменті Өскемен қаласындағы жекеменшік білім беру ұйымдарының басшыларымен кездесу өткізді. Кездесу барысында жүргізілген тексерулердің нәтижесінде анықталған бұзушылықтар талқыланып, білім беру саласындағы заңнама талаптары түсіндірілді. Қатысушылар анықталған бұзушылықтарды уақтылы жою, белгіленген нормаларды мүлтіксіз сақтау және алдағы уақытта осындай бұзушылықтарға жол бермеу шараларын қабылдау мәселелеріне ерекше назар аударды. Кездесу қорытындысы бойынша жекеменшік мектептердің басшыларына тиісті ұсынымдар беріліп, түсіндіру жұмыстары жүргізілді. Анықталған бұзушылықтар бойынша хаттама жасалып, төрт жекеменшік мектепке қатысты қаулы шығарылады.