Қ.И. Сәтбаев атындағы халықаралық химия олимпиадасы алғаш рет Ұлытау облысында өтті!

25 қазаннан бастап Жезқазған қаласында ауқымды ғылыми шара — Қаныш Сәтбаев атындағы халықаралық химия олимпиадасы өз жұмысын бастады.
Олимпиадаға Казақстан, Ресей және Қырғызстаннан келген 100-ден астам дарынды оқушы қатысты 🇰🇿🇷🇺🇰🇬.

Олимпиада 9–11 (12) сынып оқушылары арасында өтті және екі кезеңнен тұрды — теориялық және практикалық. Қатысушылар химия саласындағы білімдері мен дағдыларын сынап көрді.

Ашылу салтанаты Жезқазған қаласында өтті.
Шара Қазақстан Республикасы Оқу-ағарту министрлігінің және «Дарын» республикалық ғылыми-практикалық орталығының қолдауымен ұйымдастырылды.

Қаныш Сәтбаев атындағы олимпиада — бұл жай ғана сайыс емес, жас зерттеушілердің тәжірибе алмасуына, жаңа достар табуына және ғылым әлеміндегі білімдерін тереңдетуіне мүмкіндік беретін алаң.

Ғылымға қызығушылық артып, жаңа жаңалықтар осындай кездесулерден басталсын!