Жайлы мектептер

Жайлы мектептер: Мемлекет басшысының қолдауымен білім беру саласындағы жаңа қадам
Қазақстан Республикасының Президенті Қасым-Жомарт Тоқаевтың бастамасымен қолға алынған «Жайлы мектеп» ұлттық жобасы еліміздің білім беру жүйесін жаңа деңгейге көтеруге бағытталған маңызды қадам болып табылады. Осы жобаның шеңберінде Шымкент қаласында 11 жаңа мектеп пайдалануға берілді. Бұл мектептердің барлығы білім беру қызметімен айналысуға тиісті лицензия алып, оқушыларға сапалы білім мен жайлы орта ұсынуда.
«Жайлы мектеп» ұлттық жобасы 2022 жылы Мемлекет басшысының «Әділетті мемлекет. Біртұтас ұлт. Берекелі қоғам» атты Жолдауында белгіленген міндеттерді іске асыру мақсатында басталды. Жобаның негізгі мақсаты – мектептердегі орын тапшылығын жою, апатты және үш ауысымды мектептер мәселесін шешу, сондай-ақ оқушыларға заманауи, қауіпсіз және жайлы білім беру ортасын қалыптастыру.
Шымкент қаласындағы 11 жайлы мектеп заманауи білім беру стандарттарына сай жабдықталған және бірқатар ерекшеліктермен көзге түседі:
1. Заманауи инфрақұрылым: Мектептер оқушылардың ыңғайлылығы мен қауіпсіздігін қамтамасыз ету үшін соңғы технологиялармен жабдықталған. Әр мектепте робототехника, химия, биология, физика және STEAM кабинеттері ашылған. Бұл кабинеттер оқушылардың шығармашылық және ғылыми әлеуетін дамытуға мүмкіндік береді.
2. Қауіпсіздік шаралары: Барлық мектептер бейнебақылау жүйелерімен, турникеттермен және дабыл батырмаларымен жабдықталған, сондай-ақ полиция департаментінің жедел басқару орталығына қосылған. Бұл оқушылар мен педагогтардың қауіпсіздігін қамтамасыз етеді.
3. Инклюзивті білім беру: Жайлы мектептер ерекше білім беру қажеттіліктері бар балаларға қолайлы орта ұсынады. Мектептерде пандустар, бейімделген әжетханалар бар.
4. Экологиялық және цифрлы білім: Мектептерде экологиялық білім беру және ресурстарды үнемді пайдалану мәдениетіне бағытталған бағдарламалар енгізілген. Сонымен қатар, «Цифрлық мұғалім» жобасы арқылы оқушылардың білімдегі олқылықтарын жоюға бағытталған шаралар жүзеге асырылуда.
5. Материалдық-техникалық база: Мектептер компьютерлік техникамен және заманауи оқу құралдарымен 100% қамтамасыз етілген. Бұл оқушыларға сапалы білім алуға және мұғалімдерге тиімді сабақ беруге мүмкіндік береді.
Мемлекет басшысының қолдауымен жүзеге асырылған «Жайлы мектеп» ұлттық жобасы еліміздің болашағы!