«Павлодар химия-механикалық колледжі» КМҚК-да «Токарь ісі» мамандығы бойынша лицензияға қосымша беру үшін біліктілік талаптарына сәйкестіктін анықтау мақсатында рұқсаттық бақылау жүргізілді.

Аталған мамандық бойынша оқу процесін жүзеге асыру үшін заманауи материалдық-техникалық жабдықтар, қажетті оқу-әдістемелік әдебиеттер сатып алынды, шеберханалар мен зертханалар жабдықталды, сондай-ақ арнайы пән оқытушылары өндірісте бейіні бойынша тағылымдамадан өтті.

Бұл мамандық бойынша кадрлар даярлау өңірдегі өнеркәсіптік кәсіпорындарды заманауи жоғары технологиялық өндіріс жағдайында жұмыс істеуге қабілетті кәсіби ресурстармен қамтамасыз етуге мүмкіндік береді.