АЗАМАТТАРДЫ ЖЕКЕ ҚАБЫЛДАУ

Қызылорда облысының Білім саласында сапаны қамтамасыз ету департаментінің басшысы М. Бекмағанбетов азаматтармен жеке қабылдау өткізді.

Қабылдау барысында азаматтар мектепке дейінгі білім беру ұйымдарының кезекті мемлекеттік аттестаттаудан өту тәртібі, сондай-ақ мектепке дейінгі тәрбие мен оқыту саласында білім беру қызметін жүзеге асыру үшін лицензия алу мәселелері бойынша сұрақтарын қойды.

Жеке қабылдау кезінде көтерілген мәселелер бойынша қолданыстағы заңнама талаптарына сәйкес жан-жақты түсіндірмелер беріліп, азаматтардың өтініштері назарға алынды.

Департамент азаматтардың құқықтары мен заңды мүдделерін қорғау, сондай-ақ білім беру саласындағы өзекті мәселелер бойынша түсіндіру жұмыстарын тұрақты түрде жүргізуді жалғастырады.