Жаңа Конституцияның жобасы республикалық референдумға шығарылды

Еліміздің жаңа Конституциясын қабылдау жөніндегі республикалық референдум қарсаңында департамент қызметкерлері Қазақстан Республикасының жаңа Конституциясы жобасының ережелерін талқылады. Негізгі Заңның жаңалықтары – бір палаталы Парламент – Құрылтайдың құрылуы, Вице-Президент институтының құрылуы, жаңа ұлттық диалог алаңы – Қазақстан Халық Кеңесін құру. Конституциялық деңгейде адам мен азаматтың құқықтары, бостандықтары мен міндеттері бекітілген.

Қазақстан Республикасы қызметінің негізгі принциптері: Қазақстан Республикасы қызметінің негіз құраушы қағидаттары: Егемендік пен Тәуелсіздікті қорғау; адамның және азаматтың құқықтары мен бостандықтарын сақтау; заң мен тәртіп үстемдігін қамтамасыз ету; жалпыұлттық бірлікті бекемдеу; халықтың әл-ауқатын арттыру; жауапты әрі жасампаз отаншылдық идеясын ілгерілету; қоғамдық диалогты дамыту; еңбексүйгіштік, прогресс, білім құндылықтарын бекіту; жоғары экологиялық мәдениетті қалыптастыру; тарихи-мәдени мұраны сақтау; төл мәдениетті қолдау.

Адами капиталды, білім беруді, ғылымды, инновацияны дамыту мемлекет қызметінің стратегиялық бағыттары болып табылады.