АТА-АНАЛАРДЫҢ НАЗАРЫНА! ЖЕКЕМЕНШІК МЕКТЕПТЕРДІҢ ЛИЦЕНЗИЯЛАНУЫНА ҚАТЫСТЫ

Құрметті ата-аналар!

Балаларыңызды жекеменшік жалпы орта білім беру ұйымдарына орналастыру кезінде төмендегі маңызды құқықтық талаптарды ескерулеріңізді сұраймыз.

Маңызды!

📌 1. Білім беру қызметі міндетті түрде лицензиялануы тиіс

Қазақстан Республикасының «Білім туралы» Заңының 57-бабы 1-тармағына сәйкес, білім беру қызметін жүзеге асыру құқығы заңды тұлғаларға тиісті лицензия негізінде ғана беріледі. Яғни, мектеп ретінде тіркелген ұйым білім беру қызметін бастамас бұрын лицензия алуға міндетті.

📌 2. Лицензиясыз мектептердің қызметі заңсыз болып табылады

Қазақстан Республикасының «Рұқсаттар және хабарламалар туралы» Заңына сәйкес, лицензиялауға жататын қызметті лицензиясыз жүзеге асыру — заңбұзушылық болып табылады және ол үшін жауапкершілік көзделген.

📌 3. Лицензиясыз мектеп ресми құжаттар беруге құқылы емес

Мұндай мекемелерде берілген табель, анықтама, куәлік, аттестат және өзге де ресми құжаттар жарамсыз болып табылады. Бұл ҚР Білім туралы Заңының 39 бабы 3 тармақ 1 тармақшасына  сәйкес реттеледі.

📌 4. Құқықтық салдары болуы мүмкін

Егер білім алушы лицензиясыз мекемеден заңсыз құжат алған жағдайда, мұндай құжаттар оқу орындары — колледждер мен жоғары оқу орындары тарапынан мойындалмауы мүмкін. Бұл өз кезегінде баланың білім алу құқығына шектеу қоюы ықтимал.

📌 5. Қандай да бір күмән туындаған жағдайда не істеу керек?

Ата-аналар жекеменшік мектептің лицензиясының бар-жоғын  «Е-лицензиялау»  (http://elicense.kz) мемлекеттік деректер қоры ақпараттық жүйесінен» ашық  және қолжетімді алуға болады.

Ескерту: Лицензиясыз қызмет жүзеге асырып отырған мекемелер туралы деректер анықталған жағдайда, бұл фактілер тиісті мемлекеттік органдарға жолданып, заңнамаға сәйкес шаралар қабылданады.