Көкшетау қаласының арнаулы әлеуметтік қызметтер көрсету Орталығына бару
Ақмола облысының білім саласында сапаны қамтамасыз ету департаментінің жұмыс жоспарына сәйкес ағымдағы жылғы 07 маусымда басшының орынбасары А.И.Мадибаев Бала құқықтары жөніндегі уәкілі А.А.Асаиновамен бірлесіп, Ақмола облысының жұмыспен қамтуды үйлестіру және әлеуметтік бағдарламалар басқармасының «Көкшетау қаласы арнаулы әлеуметтік қызметтер көрсету орталығы» КММ-де болды. МӘМ бағдарламасының негізгі мақсаты арнаулы әлеуметтік қызметтер көрсету, мүмкіндігі шектеулі балаларды оңалту жөніндегі іс-шаралар, балаларда еңбек терапиясы дағдыларын қалыптастыру және оларды қоғамда әлеуметтендіру. Орталық 1995 жылдан бастап жұмыс істейді, онда мүмкіндіктері шектеулі және ерекше білім беру қажеттіліктері бар балалар үшін барлық қажетті жағдайлар жасалған, материалдық-техникалық жарақтандыру, толықтыру бюджет қаражаты есебінен де, демеуші меценаттар есебінен де жүзеге асырылады, сонымен бірге 1972 жылы салынған орталық ғимараты күрделі жөндеуді қажет етеді. Орталықта тірек-қимыл аппараты бұзылған балаларға арналған саунасы бар бассейн, емдік дене шынықтыру және массаж кабинеті, галотерапия (тұз шахтасы), саз терапиясы, анималотерапия (тірі табиғат бөлмесі), тамақ дайындау және өзіне-өзі қызмет көрсету дағдылары қалыптастыруға арналған ас үй бөлмесі мүмкіндігі шектеулі балаларды оңалтуды жүргізуге жәрдемдеседі, қол еңбегінің дағдыларын қалыптастыру үшін аумақта жылыжай мен бақша егінділері бар. Орталық «Алтын арман» демалыс аймағына, Красный Яр а. ІІД жанындағы ат ауласына мезгіл-мезгіл баруға мүмкіндік беретін ынтымақтастық туралы меморандумдар жасады, экскурсиялар өткізіледі, сондай-ақ орталықтың балалары «Special Olympics Kazakhstan» ҚБ өткізетін спорттық турнирлерге қатысып, жүлдегерлер атанды. Орталық қажетті штатпен қамтылған, барлығы 141 қызметкер: әлеуметтік қызметкерлер, дәрігерлер, орта және кіші медициналық қызметкерлер, тәрбиешілер, тәрбиешілердің көмекшілері, нұсқаушылар, музыкалық жетекші, олардың бейіні мен біліктілігі бойынша тиісті білімі бар. Қазіргі уақытта Орталықта арнаулы қызметтердің 8 түрі көрсетіледі, стационар жағдайында 49 бала тұрады, оның 17-сі ата-анасының қамқорлығынсыз қалған балалар, қаланың 20 баласы жартылай стационар тәртібінде арнаулы қызметтер алады, балаларды орталықтың арнаулы автокөлігімен жинайды және тасымалдайды. Балалар болу тәртібіне байланысты 5-6 рет тегін тамақпен қамтамасыз етілген.