Әдеп жөніндегі уәкілдің қызметі
Ақмола облысының білім беру саласында сапаны қамтамасыз ету департаментінде Қазақстан Республикасы Президентінің 2015 жылғы 29 желтоқсандағы №153 «Қазақстан Республикасы мемлекеттік қызметшілерінің әдеп нормалары мен мінез-құлық қағидаларын одан әрі жетілдіру жөніндегі шаралар туралы» Жарлығына сәйкес Әдеп жөніндегі уәкіл тағайындалып, өз қызметін жүзеге асыруда. Әдеп жөніндегі уәкіл мемлекеттік қызметшілердің әдеп стандарттарын сақтауын қамтамасыз етуде маңызды рөл атқарады.
Қазіргі таңда Департаменттің штат саны – 9 мемлекеттік қызметші, оның ішінде нақты жұмыс істейтіндері – 8, 1 бос лауазым бар. Барлық қызметкерлер, оның ішінде Әдеп жөніндегі уәкіл де қызметтік әдептің жоғары талаптарын ұстанады. Бұл ұжымда қолайлы моральдық-психологиялық ахуалдың қалыптасуына және нәтижелі жұмыс атмосферасының орнығуына ықпал етеді.
Қызметтік әдепті нығайту мақсатында Департаментте мемлекеттік қызметшілер арасында жүйелі түрде түсіндіру жұмыстары жүргізіледі. Олар адалдық, жауапкершілік, заңнаманы сақтау және азаматтардың құқықтарын құрметтеу сияқты мәселелерді қамтиды. Сонымен қатар, қызметтік әдеп нормаларының сақталуына байланысты ықтимал мәселелерді анықтау және ұжымдағы моральдық-психологиялық ахуалды бағалау мақсатында анонимді сауалнама жүргізіледі. Сауалнама нәтижелері қызметкерлерге өз ұсыныстары мен ескертулерін еркін білдіруге мүмкіндік беріп, ішкі ортаны жетілдіруге және жұмыстың тиімділігін арттыруға ықпал етеді.
2026 жылдың екінші тоқсанында мемлекеттік қызметшілер тарапынан қызметтік әдеп нормаларын бұзу фактілері анықталған жоқ. Сондай-ақ, Департаментке әдеп нормаларын бұзуға қатысты өтініштер мен шағымдар түскен жоқ.
Әдеп жөніндегі уәкілдің қызметі туралы ақпарат Департаменттің ресми әлеуметтік желілеріндегі («Facebook», «Instagram») парақшаларында, Telegram чаттарында, сондай-ақ ресми интернет-ресурсында тұрақты түрде жарияланып отырады. Аталған ақпараттық алаңдар қызметкерлер мен жұртшылықты Департаменттің қызметі, нормативтік-құқықтық базадағы өзгерістер және іске асырылып жатқан бастамалар туралы хабардар етудің маңызды құралы болып табылады. Бұл мемлекеттік органдар қызметінің ашықтығын арттыруға және оларға деген сенімді нығайтуға ықпал етеді.
2026 жылғы маусым айында қызметтік әдеп талаптарын сақтау мақсатында Ақмола облысының білім беру саласында сапаны қамтамасыз ету департаментінің Әдеп жөніндегі уәкілі Ж.Ж. Қабдрахманова мемлекеттік қызметшілер арасында түсіндіру жұмыстарын жүргізді.
Түсіндіру жұмыстары барысында адалдық, шешім қабылдаудағы ашықтық, қызметтік міндеттерді орындаудағы жауапкершілік, сондай-ақ заңдылықты сақтау және азаматтардың құқықтарын құрметтеудің маңыздылығы мәселелері қарастырылды.
Сонымен қатар, азаматтардың құқықтық сауаттылығын арттыру және олардың белсенділігін күшейту мақсатында тұрақты түрде онлайн-консультациялар мен вебинарлар өткізіледі. Аталған іс-шаралар барысында қызметтік әдеп мәселелерімен қатар мемлекеттік қызметшілердің құқықтары мен міндеттері түсіндіріледі. Бұл іс-шаралар барлық мүдделі тұлғалар үшін ашық әрі қолжетімді коммуникациялық ортаны қалыптастыруға ықпал етеді.