Ақмола облысы білім басқармасының алқа отырысы

2026 жылғы 10 наурыз күні «Ақмола облысының білім беру саласын дамыту: қаржылық тиімділік, цифрлық технологиялар және адами капитал» тақырыбына Ақмола облысы білім басқармасының алқа отырысы өтті.

Алқа отырысқа облыс әкімінің орынбасары Д.Е.Айтбаев, Ақмола облысының білім саласында сапаны қамтамасыз ету департаментінің басшысы О.К.Каппасов, облыстық мемлекеттік органдар басшылары, аудандық (қалалық) білім бөлімдерінің басшылары, білім саласындағы республикалық ұйымдар басшылары, БАҚ өкілдері қатысты.

Отырыста облыстық білім беру саласындағы 2026 жылға арналған бюджеттік талдау, жұмысшы мамандықтар жылының қорытындылары және 2026 жылы ТжКБ-ны цифрлық дамытудың басым бағыттары, педагог кадрлардың сапалық құрамы және оның білім беру жүйесінің тиімділігіне әсері, әдістемелік қызмет мазмұнының оқу нәтижелеріне әсері, инклюзивті білім беру: мәселелері мен оларды оларды шешу жолдары, тәрбие жұмысы құқық бұзушылықтың алдын алудың негізгі факторы, жасанды интеллект және цифрлық технологиялар арқылы функционалдық сауаттылықты дамыту сұрақтары бойынша баяндамалар оқылды.