Алматы қаласының орта білім беру ұйымдарындағы жаңа оқу жылына арналған педагогикалық кеңестерге Департамент пен «Өрлеу» қызметкерлері қатысты.

Алматы қаласының орта білім беру ұйымдарындағы жаңа оқу жылына арналған педагогикалық кеңестерге Департамент пен «Өрлеу» қызметкерлері қатысты. 📌Республикалық Тамыз конференциясында Мемлекет басшысы атап өткендей, мұғалімдердің құқықтарын қорғау және оларды қызметіне жатпайтын міндеттерден босату мәселесіне ерекше назар аударылды. 🤖 2025–2026 оқу жылында білім беру процесіне жасанды интеллект элементтері енгізіліп, оны әр сабақта тиімді пайдалану жоспарлануда. Сонымен бірге AI-Kitap білім беру платформасы кезең-кезеңімен қолданысқа енгізіледі. 👨‍👩‍👧 Маңызды бағыттардың бірі – ата-аналар комитеттерінің жұмысын қайта қарау. Қараша айында алғашқы Ата-аналар комитеттерінің республикалық форумы өтеді. Бұл жаңа алаң «мектеп – ата-ана – қоғам» үштағаны негізінде ынтымақтастықты нығайтуға бағытталады. ✅ Жаңа бастамалардың барлығы сапалы білім беруді, педагогтардың мәртебесін көтеруді және мектеп пен қоғам арасындағы серіктестікті күшейтуді көздейді.