2026 жылғы 10 ақпанда Білім саласында сапаны қамтамасыз ету комитеті аумақтық департаменттер басшылары және қызметкерлерінің қатысуымен аппараттық кеңес өткізді.

Кеңесте сыбайлас жемқорлықтың алдын алу құралдары және лицензиясыз қызмет көрсететін білім беру ұйымдарын анықтау мәселелері қаралды. Қазақстан Республикасы Мемлекеттік қызмет істері агенттігінің Сыбайлас жемқорлыққа қарсы саясат басқармасының басшысы У.Н. Курамаев мемлекеттік қызметшілердің Әдеп кодексін сақтау кәсіби жауапкершілік пен мінез-құлық стандарттарының негізгі талабы екенін атап өтті.

Сондай-ақ Комитет төрағасы С.К. Әшіров білім беру саласында лицензиясыз қызмет атқарып жатқан жекеменшік мектептерді анықтау және оларды әкімшілік жауапкершілікке тарту бағытындағы жұмысты күшейту жөнінде тапсырма берді.