«Таза Қазақстан» көрмесіне 1500-ден астам адам келді!

21-23 сәуір аралығында Астанада «Таза Қазақстан» экофестивалі аясында экологиялық көрме өтті. Үш күн ішінде көрмені 1500-ден астам адам тамашалап, бұл экология және тұрақты даму мәселелеріне қызығушылықтың артып келе жатқанын көрсетті.
Әсіресе, жастардың белсенділігі қуантады: қонақтар қатарында Еуразия ұлттық университеті мен Назарбаев Университеті сияқты жоғары оқу орындарының студенттері және колледж оқушылары болды. Бұл жаңа буынның экологиялық бастамаларға қызығушылық танытып, оларды жүзеге асыруға дайын екенін дәлелдейді.
Қазақстандағы экологиялық бастамаларға қызығушылық танытқан әрбір қатысушыға алғысымызды білдіреміз! Бірге біз елімізді таза әрі саналы ете аламыз!