Ұлттық кадастрларға Техникалық шолу сарапшылары 2022 жылғы атмосфераға шығарындылар кадастры туралы ақпараттық баяндамасы үшін Қазақстан Республикасын марапаттады.
Алыс қашықтықтағы ауаның трансшекаралық ластануы туралы Конвенция кең аймақтық негізде ауаның ластану мәселелерін шешуге арналған алғашқы халықаралық заңды келісімдердің бірі болып табылады. Ол 1979 жылы қол қойылып, 1983 жылы күшіне енді.
Қазақстан 2000 жылғы 23 қазанда алыс қашықтықтағы ауаның трансшекаралық ластануы туралы конвенцияға қосылды.
Конвенция Халықаралық экологиялық құқықтың дамуына елеулі үлес қосады, ауаның трансшекаралық ластануының адам денсаулығы мен қоршаған ортаға әсерін шектеу және азайту үшін негіз жасайды.
Конвенция шеңберінде сегіз мақсатты хаттама қабылданды, оның төртеуі қазіргі уақытта қолданыста.
Конвенция Тараптары ақпарат алмасады және өздерінің ауаны ластаушы заттардың шығарындыларымен күресуге бағытталған саясатын, ғылыми қызметі мен техникалық шараларын қарайды, ауаның ластануын, оның ішінде оның алыс қашықтықтағы трансшекаралық ластануын шектеуге және мүмкіндігінше біртіндеп азайтуға және алдын алуға тырысады.
Ғылыми қоғамдастық Конвенция шеңберінде мониторинг, модельдеу және әсер етудің бірлескен бағдарламаларын қамтамасыз ететін жалпы құзыреттерді ойдағыдай әзірледі. Сонымен бірге, Конвенция ғалымдар мен саясаткерлер арасында инновациялық тәсілдерге, өзара сенім мен оқытуға әкелетін ақпарат алмасу алаңы болып табылады.
Конвенция талаптарына сәйкес, Қазақстан 1992 жылдан бастап ауаның ластануына мониторинг жүргізеді және EMEP талаптарына сәйкес жыл сайынғы есептілікті ұсынады.
Қазақстанда 1990-2022 жылдар аралығында Ұлттық шығарындыларды қайта есептеді.
Ұлттық КАДАСТРЛАРҒА Техникалық шолу сарапшылары жыл сайын тараптар ұсынған ұлттық есептерді тексеріп, бағалайды.
2022 жылғы Ұлттық есептерді қараудың бірінші кезеңінің нәтижелері бойынша *Қазақстан Республикасының атмосфераға шығарындылар кадастры туралы ақпараттық баяндамасы (алыс қашықтықтағы ауаның трансшекаралық ластануы туралы Конвенцияға сәйкес ұсынылған) елеулі жақсартулар үшін наградамен марапатталды*.