2023 жылғы 21 сәуірде Шығыс Қазақстан облысында экологиялық бастамалардың алғашқы өңіраралық "БІЗДІҢ АСПАН" атты форумы өтті.
"Атмосфералық ауаның сапасы: қандай проблемалық мәселелер?" пленарлық сессиясының модераторы ретінде Экологиялық реттеу және бақылау комитеті төрағасының орынбасары Ермек Умаров қатысты.
Диалог алаңы ECOJER қазақстандық қауымдастықпен Экология және табиғи ресурстар министрлігінің және облыс әкімдігінің қолдауымен ұйымдастырылды. Бұл еліміздің өзекті эко проблемаларын шешу бойынша тәжірибе алмасу орнына айналды.
Форум Д. Серікбаев атындағы техникалық университетте өтті.
Іс - шараның басты ерекшелігі-табиғатты қорғау саласындағы түрлі азаматтық бастамаларды қарау. Қатысушылар өз пікірлерін білдіріп, атмосфералық ауаның жай-күйі, газдандыру, өнеркәсіптік қалалардың жайлы және экологиялық ортасы, сондай-ақ жаңа технологияларды енгізу перспективалары проблемалық мәселелерін талқылай алды. Өнеркәсіптің ауаға, топыраққа және су ресурстарына жүктемесін азайтуға көмектесетін ондаған жасыл жобалар ұсынылды.
Төрағаның орынбасары Ермек Умаров қазіргі уақытта кәсіпорындарда ең озық қол жетімді технологияларды (НДТ) енгізу бойынша жұмыстар жүргізіліп жатқанын, бұл атмосфералық ауаға жүктемені едәуір төмендетуге мүмкіндік беретінін атап өтті. Сондай-ақ, АМЖ (АСМ) орнату мәселесіне ерекше назар аударылды, оны іске асыру шеңберінде қазіргі уақытта кейбір кәсіпорындарда іске қосу-жөндеу жұмыстары жүргізілуде.
Іс-шара қорытындысы бойынша қатысушылардың ұсыныстары үкіметтік ұйымдардың және ірі өнеркәсіптік компаниялардың өкілдерінің қарауына жіберілетін болады.
