Тәуекелдерді бірге азайту.

Кеше Экологиялық реттеу және бақылау комитеті сыбайлас жемқорлыққа қарсы іс-қимыл бойынша кеңес өткізді. Кездесуге онлайн режимде Қазақстанның барлық өңірлеріндегі басқармалар, сондай-ақ экология департаменттерінің басшылары қатысты.

Барлық Басқарма басшылары мен Экология департаменттерінің басшыларына ағымдағы жылдың алтыншы мамырына дейін сыбайлас жемқорлық тәуекелдеріне ішкі талдау жүргізу тапсырылды.

Кеңес барысында анықталған тәуекелдер бойынша айыппұл санкцияларын бірыңғай алгоритм бойынша қолдану ұсынылды. Сондай-ақ, болашақта залалды уақытылы көрсету және бұзушылықтардың жолын кесу жүйесін әзірлеу қажет.

Комитет төрағасы Зулфухар Жолдасов бүгінде Қызылорда, Жамбыл, Алматы және Қостанай, Қарағанды, Қостанай, Маңғыстау облыстары бойынша Экология департаменттерінде орын алып отырған бірқатар қателіктер мен сәйкессіздіктерді атап өтті. Мысалы, Ақтөбе облысы бойынша экология департаменті Бестамақ ауылы тұрғындарының ауыл маңында орналасқан шошқа фермасының қалдықтары мен төзімсіз иісін жоюға қатысты бірнеше рет жүгінуіне уақытылы жауап бермеген.

Сондай-ақ, Комитет жауапты тұлғаларға жолданған Департаменттің ұсынымдарын орындау бойынша Жол картасын бекітті. Барлық ескертулер мен тапсырмалар хаттамаланған және олар орындалмаған жағдайда Экология департаменттерінің басшылығы жауапты болады.