Шығыс қазақстан облысы бойынша экология департаменті жергілікті тұрғындардың Қалжыр өзенінің ластануы туралы шағымдарын қарастырып, "МЛД Тау-кен компаниясы" ЖШС-не жоспардан тыс тексеру жүргізді.

Нәтижесінде, Күршім ауданына барып, кен байыту фабрикасы өзеннен 2-3 шақырым жерде орналасқандығы анықталды. Су шлам жинағыштан (тұйық су айналымы) пайдаланылады, ағызу жүзеге асырылмайды. Департамент қызметкерлері және Күршім ауданы табиғатты қорғау полициясы бөлімінің қызметкерлері ластану көзін анықтау үшін Қалжыр және Бала Қалжыр өзендерін тексерді. Қызмет объектілері анықталған жоқ. Алтай ауылынан 5 шақырым жерде, Қалжыр өзенінің жоғарғы ағысында техниканы қолдану арқылы жер қойнауын пайдаланушылардың іс-әрекетінің белгілері анықталды. Рекультивациялық жұмыстар жүргізілді (жергілікті жерді жоспарлау). Мониторинг мақсатында, Қалжыр және Бала Қалжыр өзендерінен су сынамалары алынды, нәтижелері туралы қосымша хабарланатын болады.