2025 жылғы 2 қазанда Қазақстан Республикасы Экология және табиғи ресурстар министрлігі Экологиялық реттеу және бақылау комитетінің Әдеп жөніндегі уәкілі А.М. Бекмұхаметов аумақтық экология департаменттерінің басшыларымен және Әдеп жөніндегі уәкілдерімен кеңес өткізді.

Кеңес барысында Әдеп жөніндегі уәкілдердің жұмыс жоспарларын орындау, "Адал Азамат" жобасын іске асыру, сондай-ақ 2025 жылға арналған сыбайлас жемқорлыққа қарсы іс-қимыл жөніндегі іс-шаралар мәселелері қаралды.

Қатысушылар сыбайлас жемқорлыққа қарсы заңнама талаптарын және Қазақстан Республикасы мемлекеттік қызметшілерінің Әдеп кодексінің нормаларын, оның ішінде адалдық, Сатылмаушылық және заңдылық қағидаттарын сақтау мәселелерін талқылады. Тәртіптік теріс қылықтардың, әкімшілік және қылмыстық құқық бұзушылықтардың алдын алуға, сондай-ақ мемлекеттік органдарда қызметтік әдеп мәдениетін нығайтуға ерекше назар аударылды.

Кездесу соңында Әлібек Мұратұлы әдеп және сыбайлас жемқорлыққа қарсы мінез-құлық мәселелері бойынша жүйелі түсіндіру жұмыстарының маңыздылығын атап өтті, сондай-ақ мемлекеттік қызметшілердің күнделікті қызметте заңнама нормалары мен этикалық стандарттарды мүлтіксіз сақтау қажеттігін атап өтті.