2019 жылғы 11-13 наурызда ҚР Энергетика министрі Қ. Бозымбаев бастаған қазақстандық делегация Хьюстондағы (АҚШ) «IHS CERAWeek 2019» атқарушы конференциясына қатысты.
«IHS CERAWeek» форумы Әлемдік энергетикалық саланың жыл сайынғы беделді іс-шарасы болып табылады және жаһандық энергетикалық күн тәртібіне үлкен әсер етеді. Ол әлемдегі 5 конференцияларға кіреді және энергетикалық компаниялардың басшылары мен саяси, қаржылық, өнеркәсіптік және техникалық топтардың жетекші мүшелерін, сондай-ақ институционалдық инвесторларды жинайды. Энергетикалық бизнестің ірі ойыншылары әлемдік энергетика алдында тұрған жаңа идеяларды, тәсілдерді және проблемалық мәселелерді талқылауда.

Биыл форумға энергетика министрлерін, халықаралық ұйымдар мен энергетикалық корпорациялар басшыларын, ғалымдар мен технологиялық жаңашылдарды қоса алғанда, әлемнің 75 елінен 4200-ден астам делегат қатысуда.
Конференция барысында қазақстандық делегация жаһандық энергетиканың өзекті мәселелері бойынша бірқатар панельдік пікірталастарға қатысты.
Конференция барысында Министр Қ. Бозымбаев дөңгелек үстел форматында ABB, Schneider Electric, Microsoft, Google, TPHCO, Emerson және т.б. қоса алғанда әлемдік жетекші компаниялардың басшыларымен кездесулер өткізді.
Ол сондай-ақ мұнай саласындағы, бірінші кезекте инвестиция, технология және инновация саласындағы әлемдік трендтерге арналған «Global Oil Ministerial Dialogue» панельдік сессиясында сөз сөйледі.

Өз сөзінде ол әріптестерін және қатысушыларды ҚР мұнай саласындағы ағымдағы жағдай, «ОРЕС+» мәмілесіндегі ұзақ мерзімді инвестициялық саясат, сондай-ақ біздің еліміздің инвестициялық тартымдылығын арттыру мәселелеріне қатысты заңнамадағы жүргізіліп жатқан реформа туралы хабардар етті.
Бұдан басқа, сапар аясында «ҚазМұнайГаз» ҰК АҚ мен АҚШ-тағы ҚР Елшілігінің өкілдері кірген қазақстандық делегация энергетикалық ТҰК басшыларымен, сондай-ақ Royal Dutch Shell, ExxonMobil, Chevron, Schlumberger, Honeywell және т.б. өнеркәсіптік және техникалық секторлардың және институционалдық инвесторлардың жетекші мүшелерімен кездесулер өткізді, олардың барысында ынтымақтастықтың ағымдағы жағдайы мен одан әрі өзара іс-қимыл перспективаларын талқылады.

АҚШ Энергетика министрінің бірінші орынбасары Д. Бруйеттпен ҚР мен АҚШ арасындағы энергетикалық серіктестік, атом өнеркәсібі, жаңартылатын энергия көздері мәселелері бойынша екіжақты кездесу өтті. Тараптар энергетика саласындағы екіжақты ынтымақтастықтың маңыздылығын атап өтіп, Мемлекет басшысының АҚШ-қа ресми сапарының қорытындысы бойынша қол жеткізілген уағдаластықтардың жүзеге асырылу барысын талқылады.

2019 жылғы 11 наурызда Астана қ.,  экономикалық, ғылыми-техникалық және мәдени ынтымақтастық жөніндегі қазақстан-түркмен Үкіметаралық комиссиясының 10-шы отырысы өтті.

Комиссияның қазақстандық бөлігінің тең төрағасы ҚР Премьер-Министрінің орынбасары Ж. Қасымбек болып табылады. Комиссияның түркмен бөлігін Түрікменстан Министрлер Кабинеті төрағасының орынбасары М.Чакыев басқарды.

Отырыс барысында Қазақстан мен Түрікменстанның үкіметтік делегациялары екі елдің екі жақты сауда-экономикалық, ғылыми-техникалық және мәдени  әріптестікті одан әрі дамыту мәселелерін талқылады.

Атап айтқанда, отырыстың күн тәртібі экономика, энергетика, білім және ғылым, Ауыл шаруашылығы және экология салаларын қамтыды.

Өткізілген іс-шаралардың қорытындысы бойынша тараптар екі ел арасындағы экономикалық ынтымақтастықтың қолда бар әлеуетін кеңейту үшін барынша күш салуға келісті.

Қазақстан мен Түрікменстан арасындағы тауар айналымы 2018 жылы 99,6 млн. АҚШ долл. құрады, бұл өткен жылдың ұқсас кезеңіне қарағанда 0,05% - ға төмен (99,6 млн. АҚШ долл.). Қазақстаннан Түрікменстанға экспорт 2018 жылы 56,3% - ға өсіп, 86,6 млн. АҚШ долл. құрады.  2018 жылы Түркіменстаннан Қазақстанға импорт 70,8% - ға төмендеп, 12,9 млн. АҚШ долл. құрады.

ҚР Энергетика министрлігінің Баспасөз қызметі

5 наурызда Токио қаласында ҚР Ұлттық ядролық орталығының бас директоры Э.Ғ. Батырбековтің Toshiba Energy Systems & Solutions Corporation компаниясының директоры Goro Yanase мырзамен жұмыс кездесуі өткізілді.

CORMIT жобасы бойынша ағымдағы ынтымақтастық талқыланып, жобаның екінші сатысын (CORMIT-2) іске асырудағы жақсы ілгерілік атап көрсетілді. Yanase мырза жүргізіліп жатқан эксперименттік зерттеулердің ауқымды әрі күрделі екендігін айта келе, ҚР ҰЯО атынан қатысатын жоба командасына эксперименттерге қажетті жағдайлар жасаудағы күш-жігері үшін алғыс білдірді.

CORMIT жобасы сумен салқындатылатын реактордың (LWR – Light Water Reactor) актив аймақ материалдары балқымасының реактордың астындағы балқыма тұтқыштың бетон негізіне ауыр авария кезінде актив аймақтың балқыма тұтқышында ұстап тұруды қамтамасыз ету үшін жалатылатын жоғары температуралы әртүрлі қорғаныс материалдарымен өзара әрекеттесуін эксперименттік зерттеуге бағытталған.

CORMIT жобасының бірінші сатысы шеңберіндегі эксперименттік зерттеулер 2012 – 2016 жылдары орындалды. Реактордан тыс «Лава-Б» қондырғысында белгілі құрамдағы кориум прототипі балқыған кездегі фазалық ауысу температурасын анықтау және кориум прототипі балқымасының кандидат қорғаныс материалдарының үлгілерімен өзара әрекеттесуін зерделеу бойынша ірі ауқымды он эксперимент және шағын ауқымды эксперименттердің бірнеше сериясы (барлығы 70-ке жуық) орындалды.  2018 жылдан бастап жобаның екінші сатысы – CORMIT-2 іске асырылуда, бүгінгі таңда «Лава-Б» қондырғысында оннан астам шағын ауқымды эксперимент, калибрлік эксперименттер сериясы орындалды, сондай-ақ индукциялық қыздыру әдісімен қалдық жылудың бөлінуін моделдей отырып, реактор астындағы тұтқыштың ыстыққа төзімді жабынын зерделеу бойынша бір ірі ауқымды эксперимент жүргізілді. 

Ұлттық ядролық орталықпен келешектегі ынтымақтастықты талқылау кезінде Toshiba Energy Systems & Solutions Corporation басшысы жапондық тараптың ынтымақтастықты одан әрі тереңдету мен кеңейтуге деген қызығушылығы туралы айтып өтті. Yanase мырзаның пікірінше «Фукусима-1» АЭС-індегі апаттық кориумды қауіпсіз алып шығу және сақтау проблемасын шешуге қолдау көрсетудегі зерттеулер өзекті болып табылады. Ұлттық ядролық орталықтың біліктілігі мен эксперименттік базасының мүмкіндіктерін ескерер болсақ, шағын және орта қуатты энергетикалық реакторлардың жобаларын әзірлеумен, техногендік әсерге ұшыраған аумақтардағы радиоэкология мәселелерімен, сондай-ақ алғашқы ИТЭР халықаралық термоядролық реакторын құру үшін Toshiba Energy Systems & Solutions Corporation компаниясы ұсынған жабдықтардың элементтерін КТМ токамагында сынаумен байланысты бірлескен жұмыстардың жаңа бағыттары да қызығушылық туғызады.

Басшылар ынтымақтастықтың ұсынылған жаңа бағыттары шеңберінде келешектегі өзара іс-қимылдың техникалық мәселелерін мейлінше жан-жақты талқылауға бағытталған семинарлар өткізу туралы уағдаласты.

08.03.2019, Канн қаласы, Франция. Қазақстан күн энергетикасы қауымдастығы мен Франция ірі электр энергетикалық «Urbosolar SAS» компаниясы арасында өзара ынтымақтастық туралы Меморандумға қол қойылды.

Қазақстан Республикасының ресми мемлекеттік делегациясы құрамындағы Қазақстан Республикасының «Қазақстан күн энергетикасы қауымдастығы» Франциядағы ҚР-ның Елшілігі, «Kazakh Invest» АҚ, Францияның оңтүстігіндегі ҚР-ның Құрметті консулдығы және «MEDEF International» Француз кәсіпкерлерінің қауымдастығы ұйымдастырған цифрландыру және баламалы энергетика жөніндегі қазақстан-француз форумының жұмысына қатысты.
Мемлекеттік ведомстволардың, ұлттық компаниялардың және іскерлік салалық бизнес-қауымдастықтың өкілдерінен тұратын Қазақстан делегациясын ҚР-ның цифрлық даму, қорғаныс және аэроғарыш өнеркәсібінің вице-министрі Дарын Тұяқов бастап барды.
«Қазақстан күн энергетикасының қауымдастығы» француздық кәсіби салалық аудиториясын күн электр станцияларын тұрғызу мен пайдалануға берудің табысты тәжірибесінің бірі болып табылатын BURNOE SOLAR-мен таныстырды. ҚР-ның Президенті Нұрсұлтан Назарбаев осы электр стансасының жұмысын 2018 жылдың желтоқсан айында бастап берді, ал EMEA Finance беделді әлемдік қаржы басылымы Еуропалық қайта құру және даму банкіне өз марапатын тапсырды және Қазақстан Республикасында осы жобаны іске асыруда банктің елеулі қаржылық қолдауын бағалай отырып, осы инвестициялық жобаны «Күн энергетикасы саласындағы Шығыс Еуропадағы ең үздік мәміле – 2018» деп мойындады.
30-дан астам мүдделі қазақстандық сарапшыдан тұратын Қазақстан тарапы өз елінің инвестициялық мүмкіндіктерін («KAZAKH INVEST» АҚ), сондай-ақ Цифрлық технологиялар мен баламалы энергетика саласын дамытуды мемлекеттік қолдау және ынталандыру жүйесімен таныстырды (ҚР-ның энергетика министрлігі, «АХҚО» АҚ, «Зерде» Ұлттық инфокоммуникациялық холдингі» АҚ).
Форумның жұмысы аяқталған соң, «Қазақстан күн энергетикасы қауымдастығы» мен «жасыл» экономика саласында жұмыс істейтін он үздік еуропалық электр энергетикалық компаниялардың бірі «Urbosolar SAS» компаниясы арасында өзара ынтымақтастық туралы Меморандумға қол қойылды.
Қазақстан қауымдастығының басшысы Нұрлан Қапенов мырза мен француз компаниясының вице-президенті Поль Керинк мырза осы Форум мен қол қойылған келісім екіжақты жемісті экономикалық ынтымақтастықтпен бірге баламалы энергетика саласындағы озық технологиялармен алмасудың кезекті кезеңі болатынына сенім білдірді.
Қазақстанның Франциядағы Төтенше және өкілетті елшісі Жан Ғалиев мырза цифрландыру мен баламалы энергетика жөніндегі өткен қазақстан-француз форумын экономикалық әріптестікті табысты және тиімді дамытуға қажетті оқиға ретінде сипаттады.
Елші мырза 2019 жылдың екінші жартысына Франция президенті Эмманюэль Макронның жоспарлаған Қазақстанға сапары қарсаңында экономиканың түрлі салаларындағы сарапшылардың екіжақты кездесулері сауда және инвестициялық қатынастардың қосымша серпіні ретінде маңызды екендігін атап өтті.

Анықтама: «Қазақстан күн энергетикасы қауымдастығы» ЗТБ (Solar power association of Qazaqstan - SPAQ) Қазақстан Республикасында күн энергетикасын инвестициялау және оны табысты дамыту үшін тұтас саясат пен тартымды жағдайларды қалыптастыру мақсатында құрылды. 28.02.2019 Қауымдастық ҚР Үкіметінің ресми аккредитацясынан өтті. www.spaq.kz

«SPAQ» баспасөз қызметі
info@spaq.kz
Толығырақ: SPAQ Басқармасының төрағасы
Айдан Касымбеков
Ak@spaq.kz
+ 7 701 752 1847

Бүгін энергетика Министрлігінде сауда-экономикалық ынтымақтастық жөніндегі Қазақстан-финдік Үкіметаралық комиссиясының 11-ші отырысы өтті.  Мекеме басшысы Қанат Бозымбаев атап өткендей, тараптар білім, энергетика, денсаулық сақтау, сандық қауіпсіздік және тағы басқа салалардағы елдердің өзара іс-қимылын талқылады. Ал фин тарапы Қазақстанға қалдықтардан электр энергиясын өндіру бойынша технологияларды ұсынғысы келетінін мәлімдеді.

"Бүгін біз елдеріміздің өзара қарым – қатынасының барлық палитрасын талқыладық-бұл білім беру, денсаулық сақтау, сандық технологиялар, энергетика, сандық қауіпсіздік, жасыл энергетика. Тиісті құжаттарға жақын арада қол қоямыз және бұл елдер арасындағы ынтымақтастықтың негізі болады", - деп атап өтті Бозымбаев.

Ол сондай - ақ, бүгін Финляндияда барлық қалдықтардың 97% - ы өңделуде, ал Қазақстанда үш жыл бұрын ҚТҚ өңдеу 2,6% - ды, ал 2018 жылдың қорытындысы бойынша 11,5% - ды құрағанын хабарлады.

"Бірақ бұл аз, - деді министр. - Таяудағы жылдары біз алдымызға 50% - ға жету міндетін қойып отырмыз. 32% - өнеркәсіптік қалдықтарды өңдеу. Мұнда велосипед ойлап табудың қажеті жоқ, жасыл технологияларды, фин бизнесін, ноу хау мен капиталды тарту керек болды. Егер заңнама мұны істеуге мүмкіндік бермесе, онда заңнаманы өзгерту қажет", - деп атап өтті Бозымбаев, билік қазір жаңа экологиялық кодекс пен басқа да заңдарға, оның ішінде Салық кодексіне "іс жүзінде қазір жоқ"сала үшін салық преференцияларын алу бөлігінде жұмыс жүргізіп жатқанын атап өтті.

"Бұл қалдықтардан, газ, электр және тағы басқа энергия алу болып табылады. Ол жоқ, сондықтан оның салығы-нөл. Ол аяғына тік тұрады. Бірақ бұл саланы құру керек,жұмыс істесе де, содан кейін салық сала аламыз. Біз осы ұстанымды ұсынып, қорғайтын боламыз", - деді Бозымбаев.

Сонымен қатар,ол Финляндия қалдықтардан электр энергиясын өндіруде үлкен әлеуетке ие екенін хабарлады.

"Бұны бүгінгі күні Финляндия Қазақстанға ұсынғысы келеді, - деді энергетика Министрі. Жарқын мысал-бұл Алматыдағы қалалық су каналындағы биоэнергия өндірісі. Яғни, онда фин кәсіпкерлері биогаз өндіретін жабдық қойды. Содан кейін электр энергиясын өндіру мақсатында олар заңнамадағы тоқсыздықтан көмек сұрады.

Олар біздің салада пионерлер секілді-біз осыны қарастыратын боламыз. Сонымен қатар, Финляндия-жаңартылған энергия көздеріндегі көшбасшы. Ол Фин компанияларына Қазақстанда жұмыс істеу қызықты екенін және біз белсенді түрде жұмыс істейтін боламыз", - деді Бозымбаев.

Көзі: yunews.kz

Энергетика министрлігі 2019 жылғы 28 ақпанда Қазақстан Республикасы Үкіметінің 2015 жылғы 28 желтоқсандағы № 1089 қаулысымен бекітілген Жеке кәсiпкерлiк субъектiлерiнiң бiрлестiктерiне аккредиттеу жүргiзу қағидаларына сәйкес Жеке кәсіпкерлік субъектілерінің бірлестіктерін аккредиттеу жөніндегі комиссияның отырысын өткізді. 

Кездесудің қорытындысы бойынша аккредиттеу үшін келесі қауымдастықтар мақұлданды:

1) «Қазақстан электр энергетикалық қауымдастығы» заңды тұлғалар бірлестігі;

2) «KAZWATER» су пайдаланушылардың, су тұтынушылардың және су көлігінің қауымдастығы» заңды тұлғалар бірлестігі;

3) «Қазақстан күн энергетика қауымдастығы» заңды тұлғалар бірлестігі;

4) «Өнеркәсіптік және өндірістік қалдықтармен жұмыс істеу қауымдастығы» заңды тұлғалар бірлестігі;

5) «Бәсекелестікті және тауарлар нарықтарының дамуы қауымдастығы» Қауымдастық нысанындағы Заңды тұлғалар бірлестігі;

6) «Казахстанская Ассоциация холодильной промышленности» Қауымдастық нысанындағы Заңды тұлғалар бірлестігі;

7) «Қазақстандық еңбекті қорғау және өнеркәсіптік қауіпсіздік қауымдастығы» Қауымдастық нысанындағы Заңды тұлғалар бірлестігі;         

 8) «Қазақстан Республикасының тексерушілер одағы «ETS KZ VERIFIERS» заңды тұлғалар бірлестігі;

9) «Қазақстандық автокәсіпкерлік қауымдастығы» заңды тұлғалар бірлестігі;

10) «Қазақстанның кабель өнімін өндірушілер одағы» Қауымдастық нысанындағы Заңды тұлғалар бірлестігі.

11) «Өнеркәсіпшілер мен кәсіпкерлер одағы «Қазақстан ұлттық индустриалды палатасы» заңды тұлғалар бірлестігі.