Қоғамдық кеңестің кезекті отырысы

    Ағымдағы жылдың 23 қазан күні аудан әкімі аппаратының мәжіліс залында аудандық қоғамдық кеңестің кезекті отырысы өтті. Кеңесті аудандық қоғамдық кеңестің төрағасы Қуаныш Елемесов жүргізді. Кеңес отырысына аудандық мәслихат төрағасы Лариса Қайырғалиева, аудан әкімінің орынбасары Кенесары Нұршинов, аудан әкімі аппаратының басшысы Асқар Ажығалиев, аудандық қоғамдық кеңес мүшелері және ауылдық округтер әкімдері мен тиісті сала басшылары (онлайн және офлайн режимінде) қатынасты. Күн тәртібінде төмендегіше мәселелер қаралды:

1. 2026-2029 жылдарға арналған стратегиялық жоспарлау тізіміндегі Бөкей ордасы ауданы бойынша әлеуметтік-инвестициялық жобаны мақұлдау туралы

Хабарламашы: Темірбекұлы Эмиль – аудандық білім беру бөлімінің бас маманы;

2. Бөкей ордасы ауданының мәдениет, тілдерді дамыту, денешынықтыру және спорт бөлімі бойынша көрсетілетін мемлекеттік қызметтердің сапасы туралы.

Хабарламашы: Ғайнуллина Данагүл Берікқызы – аудандық мәдениет, тілдерді дамыту, дене шынықтыру және спорт бөлімінің басшысы;

3. Сайқын, Орда, Бисен ауылдық округтері әкімдері аппараттары бойынша көрсетілетін мемлекеттік қызметтердің сапасы туралы.

Хабарламашылар: Абдуллин Шыңғыс Тұрарбекұлы – Сайқын а/о әкімі;

                              Сариев Қуаныш Серікұлы – Орда а/о әкімі аппаратының бас маманы;

                              Құрмашев Кенжебек Асқарұлы – Бисен а/о әкімі.

    Күн тәртібіндегі мәселелер бойынша кеңес мүшелерінің ұсыныс-пікірлері ескеріле отырып, тиісті мекеме басшылары мен ауылдық округтер әкімдеріне хаттамалық ұсыныстар берілді.