АТА ЗАҢ - ТӘУЕЛСІЗДІК ТІРЕГІ

Адамзат баласының өмір сүруі белгілі бір заңдылықтарға бағынатыны сияқты, ғаламшарды мекен еткен әр мемлекеттің де негізгі заңы бар. Ол – Конституция. Конституция немесе Ата заң, Негізгі заң – осы заманғы мемлекеттіліктің аса маңызды белгісі, мемлекеттің бастапқы саяси және құқықтық құжаты. Биыл Қазақстан Республикасының Конституциясының қабылданғаны 30 жыл толып отыр. 1995 жылдың 30 тамызында қазақстандықтар жалпыхалықтық референдум арқылы өзінің басты қабылдады.

Бүгін «Достық үйінде» мереке аясында «Конституция - кемелдіктің кепілі» атты «дөңгелек үстел» өтті. Шараға аудандық мәслихат төрағасы Л.Қайырғалиева, аудандық прокуратураның прокуроры Р.Шәкіржанов, аудандық ішкі саясат бөлімінің басшысы И.Құрмашев, аудандық полиция бөлімі бастығының орынбасары С.Қамешов, аудандық кітапхананың директоры Н.Сабыров, мемлекеттік қызметшілер мен кітапханашылар, аудандық полиция бөлімінің қызметкерлері, медиация мен қоғамдық бірлестіктердің өкілдері, жастар қатысып, мызғымас мемлекетіміздің алтын қазығы саналатын Ата Заңымыз төңірегін ой бөлісіп, пікір алмасты.