ПРЕСС-РЕЛИЗ VIII Uralsk Green Forum: Инновациялар және климат — жасыл экономиканың жаңа мүмкіндіктері

 

Орал қаласында VIII Uralsk Green Forum шарасы өтті. Бұл шара дәстүрлі мемлекеттік органдарды, бизнес өкілдерін, халықаралық ұйымдар мен экологиялық сарапшыларды біріктіретін өңірлік маңызды алаңға айналды. Биылғы форумның тақырыбы — «Инновациялар және климат: жасыл экономиканың жаңа мүмкіндіктері».

Форум Батыс Қазақстан облысы әкімдігінің және Karachaganak Petroleum Operating B.V. (КПО) компаниясының қолдауымен өткізіледі.

Форумның мақсаты — климаттық саясат, экологиялық инновациялар, көміртек нарықтарын дамыту, су ресурстарын тиімді басқару және ең озық қолжетімді технологияларды енгізу бағыттары бойынша әріптестікті нығайту және тәжірибе алмасу.

Ашылу рәсіміне орталық және өңірлік мемлекеттік органдардың өкілдері, сондай-ақ КПО басшылығы қатысады. Пленарлық отырыс пен панельдік талқылауларда көміртексіз даму мақсаттары, энергия тиімділігі, жасыл қаржыландыру, өнеркәсіптік модернизация және табиғатқа бағытталған шешімдерді экономикалық модельдерге интеграциялау мәселелері қарастырылады.

Форум барысында төмендегі мәселелерге ерекше назар аударылады:

1. Инновациялық климаттық және технологиялық шешімдерді енгізуге;

2. Көміртек жобаларын дамытуға және жасыл бастамалардың инвестициялық тартымдылығын арттыруға;

3. Су қауіпсіздігі саласындағы халықаралық серіктестік пен су жүйелерін цифрландыруға.

Uralsk Green Forum жыл сайын орнықты даму саласындағы практикалық ұсынымдар әзірлеуге және экологиялық бастамаларды ілгерілетуге арналған платформа қалыптастырады. Форум қорытындысы бойынша резолюция қабылданып, Батыс Қазақстан өңірінің экологиялық орнықтылығын нығайтуға бағытталған ортақ көзқарас пен кейінгі қадамдар айқындалады.